Бүгін мектебіміздің 10 “А” сынып оқушылары 1-қазан Халықаралық қарттар күніне орай “Қарттарым-асыл қазынам” атты мерекелік шара ұйымдастырып, ата-әжелерді құттықтады. Ата-әжелер ерекше әсер алып, оқушыларға өздерінің ризашылықтарын білдіріп, ақ жарма баталарын берді.
Қазақтың “Қариясы бар үйдің қазынасы бар” деп тегін айтылмаған. Қариясы бар шаңырақтың ырысы артық, несібесі мол. Үлкен кісілері бар үйде жас балалар зерек, ақыл-кеңеске қанық өседі. Қарттарын құрмет тұтып, ақсақалдарын ардақтай білген елдің баласы өткенді бағалауға, бүгінін саралауға құмар болады. Асыл қазыналарымыз аман болсын!