Ақпарат және қоғамдық даму министрлігінің бастамасымен Қазақстан Республикасындағы мерекелік күндердің тізбесі «Әкелер күні» мерекелерімен толыққан еді. «Қазақстанда мерекелік күндер күнтізбесін бекіту туралы» қаулыға толықтыру енгізіліп, құжатқа үкімет басшысы Ә.Смайылов қол қойған болатын. Қаулыға сәйкес, Әкелер күні – маусымның үшінші жексенбісінде аталып өтетін болды.
«Әкелер күнін» мерекелеу әлемнің көптеген елінде отбасылық құндылықтарды насихаттау, отбасы және ата-ана институтын нығайту мақсатында қалыптасқан. Осы орайда Әлихан Бөкейхан ауданы әкімдігінің қолдауымен мектебіміздің базасында әкелер арасында ұлттық ойындардан сайыстар ұйымдастырылып жеңімпаздар бағалы сыйлықтармен марапатталды.