14 маусым, 2024 ж. 14 мектеп-гимназиясында «Қош бол, алтын ұя мектебім!» атты мектеп бітірушілерге арналған аттестат тапсыру кеші өтті. 11 жыл оқып, ақыл-қайрат, білімді зерделеріне тоқып, киелі білім бесігі, алтын ұя ордасынан мектебіміздің алғашқы түлектері үлкен өмірге қадам баспақшы. Жан тербеп, жүрек тербетер - ең қиын да қимас сәт. Сонымен бірге, арман қуып алысқа аттандырар, болашаққа жол сермеп, азаматтыққа жетелер - қуанышты да қызықты сәт. Мектебімізді 57 түлек аяқтап, үлкен өмірге жолдама алды. Оның ішінде үздік аттестат иелері де бар.
Кеш мектеп директоры Аринов Орикбай Сериковичтің түлектерге деген ақ тілегімен басталды. Әр түлектің жеткен жетістіктері айтылып, қолдарына аттестаттары табысталды. Ата- аналар алғыс хатпен марапатталды. Түлектер мектепке, ұстаздарына, ата-аналарына деген алғыстарын, қимас сезімдерін өз өнерлерімен жеткізді. Ән айтты, күй ойнады, т.б. Кеш «Ұстазым» әнімен аяқталды.
Өрендер кетті, сендерден енді балалық,
Тұрсыңдар міне, болашақ күнге жол ашып.
Кетігін елдің жетілдірер бол азамат,
Бір кірпіш болып дүниеге мына қаланып.
Жас түлектерге сәт-сапар, ақ жол тілейміз!
Сынып жетекшілері: Айнабаева Ж.М., Мухит С.