25 мамыр, 2024 жыл. “Сыңғырла, соңғы қоңырау” мектеп түлектеріне арналған мерекелік іс- шара болып өтті. Биылғы жылы 11 сынып бітіруші түлектер мектебіміздің тарихында алтын әріппен жазылып қалатын ең алғашқы түлектер. 57 түлек мектепті аяқтап, 57 қоңырау соғылды. Мектеп директоры О.С.Аринов түлектерге жүрек жарды тілегін айтты. Қаламыздың маслихат депутаты Жұмағұлов Айтбай Ботпайұлы арнайы келіп, түлектерге ақ тілегін арнады. Түлектер ұстаздарға деген алғыстарын, ыстық-ықыластарын өлең жолдарымен, ән шумақтарымен жеткізді. Түлектер 10 сынып оқушыларына салтанатты түрде мектептің аманатын тапсырды. 1 сынып оқушылары түлектерге арнап өлең шумақтарын оқыды. Іс-шара келген қонақтарға, ата-аналарға ерекше әсер қалдырды. Соңында Махсұт ата түлектерге ақ жол тілеп, батасын берді.
Сынып жетекшілері Айнабаева Ж.М. мен Мухит Сахит түлектерге соңғы сабақтарын өткізді.
Мектеп -гимназиямыздың табалдырығынан 57 түлек өмір жолына жолдама алды. Сәт -сапар! Ақ жол, жас түлек!