Челленджде Жетісу облысы Қарағанды облысына С.Мұратбековтың «Жабайы алма» шығармасын оқуды ұсынды. Аталған шығарманы Қарағанды облысының білім басқармасының, Қарағанды облысының білім беру ұйымдарының білім алушылары 1 ай бойы оқып, талдайды. Қостанай облысына Қарағанды облысы «Қасым Аманжоловтың» шығармаларын ұсынды.
Іс-шараға оқу-әдістемелік орталығы, Жазушылар одағының Қарағанды облыстық филиалының төрағасы, ақын Ж.Жаңқашұлы, республикалық жарыстарда баптаған шәкірттері бәйгенің алдын бермей келе жатқан, ұлағатты ұстаз Д.Төрегелдина, тілжанашыры Ғ.Смағұлова және бірқатар жас ақындар, педагогтер қатысып, өскелең ұрпаққа тағылымға толы өте құнды деректермен бөлісіп, оқушыларды ақынның шығармаларын оқуға шақырды.
Рухани іс-шарада білім алушылар дауылпаз ақын Қ.Аманжоловтың өлеңдерін мәнерлеп оқып, Қасым ауылының тумасы, еңбек пәнінің мұғалімі Оспанов Дархан Әбікенұлы Қасым Аманжоловтың әндерін шырқады.