Қарағанды-Сұрыптау станциясы ЖПБ қызмет ету аумағында 2023 жылдың 20-30 қараша айы аралығында «Құқықтық тәртіп» жедел-профилактикалық іс-шара аясында мектеп-гимназиямыздың 6-7-сынып оқушыларымен Қарағанды-Сұрыптау станциясы ЖПБ ЕҚҚКІБ жедел уәкілі полиция аға лейтенанты А.И.Исатаев пен ӘПБ ҚБААТ аға инспекторы, полиция майоры Ж.А.Садуакасова кездесу өткізді. Іс-шараның негізгі мақсаты: кәмелетке толмағандар арасында ұсақ бұзақылық, есірткі заттармен байланысты қылмыстың алдын-алу, көлік объектілерінде қайғылы жағдайлардың алдын-алу, теміржолда жүру ережелерін түсіндіру. Кездесу барысында бейнероликтер көрсетілді, оқушылар қойған сауалдарға жауап берілді.