8 «А» сынып оқушылары Алаш қайраткері Міржақып Дулатұлына арналған «Міржақып. Оян, қазақ!» фильмнің көрсетіліміне бардық. Бұл тарихи туындыға арқау болған Міржақыптың «Оян, қазақ!» кітабының көптеген кедергілермен жарыққа шығуы , сол кездегі қазақ даласын жайлаған ашаршылық , қоғамдық-саяси көзқарасы үшін қудалауға түскен Алаш арыстарының ауыр тағдыры ешқайсымызды бейжай қалдырмады. Әрқайсымыз үлкен әсермен шықтық. Міржақып аңсаған Тәуелсіз Қазақ елінде өмір сүріп жатқанымызды мақтан етеміз және білімімізді шыңдап, еліміздің әрі қарай көркеюіне ат салысатын боламыз. Алаш қайраткерлерінің жасаған еңбектері туралы әрбір қазақ білу керек деп ойлаймыз. Жүрегі "Қазақ" деп соққан әрбір азаматқа осы фильмді көруді ұсынамыз.