Бүгінгі күн мектеп-гимназиямызда ұлттық құндылықтарға толы “Нұрын шашқан- әз Наурыз! атты дүбірлі мереке өтті. Ұлы мерекені мектеп ұжымы мен қатар ата-аналар мен оқушыларда ерекше көңіл күймен тойлады. Мерекелік шараға 4 киіз құрылып, ақ дастархан жайылды. Жиылған қауым ақ түйемен енген Қыдыр атадан бата алып, мерекенің басты тағамы наурыз көжеден дәм тәтті. Ауылдар арасында салт-дәстүріміз дәріптеліп, ұлттық ойындарымыз ойнатылды. Келіп жеткен Ұлыстың Ұлы күні – Наурыз мерекесі – іргесі сөгілмес бірліктің берекесі, ырысы төгілмес тірліктің мерекесі.
Жақсылықтың жаршысы, жаңа жылдың бастауы – Наурыз мейрамы туған жер топырағына құт - береке әкелсін!
Еліміз тыныш, туған жеріміз аман болып, әрбір жаңа күн әр отбасына шат көңіл, бақыт және береке сыйласын!