25.05.2017 күні мектебімізде дәстүр бойынша соңғы қоңырау мерекесі тойланып өтті. "Қош бол, алтын ұя мектебім"-атты салтанатты жиынға мектеп әкімшілігі мен түлектері, оқушылары сонымен қатар ата-аналар да қатысты. Салтанатты шара Астана ЭКСПО-2017 және Қазақстан Республикасының Тәуелсіздігінің 25 жылдығына арналды. Мерекелік шара Қазақстан Республикасының Гимнін орындаумен басталды. Келесі кезекте, мектебіміздің тәрбие-ісі жөніндегі орынбасары Карабалинова С.А. 25.05.2017 ж. күнгі мектеп директорының оқу жылын аяқтау және келесі сыныпқа көшірілу туралы бұйрығымен таныстырумен жалғасты. Келесі сөз кезегін мектеп директоры Кабылова А.Ф. алып, мерекелік шараға қатысып отырған барлық қауымды оқу жылының аяқталуымен құттықтап, мектебіміздің оқу озаттарын марапаттады. Салтанатты жиын арымен қарай мектебіміздің, еліміздің болашақ өнер жұлдыздары мен спорт саңлақтарын марапаттаумен жалғасты. Салтанатты жиын мектеп бітіруші түлектердің ізгі тілектері мен өнерлерін көрсетумен жалғасты. Салтанатты жиында бастауыш сыныппен қоштасып отырған 4-сынып оқушылары вальс билесе, оны арымен қарай 9 сынып түлектері жалғастырып аяқтады. Салтанатты жиын соңғы қоңыраудың соғылуымен қатар, түлектердің тілектері жазылған шарларды аспанға ұшырумен аяқталды. Барлық ұстаздарды, оқушыларды жазғы демалыстың басталуымен құттықтай отырып, демалысты жақсы өткізуіне тілектеспіз!!!