№ 137 НОМ 2019-2020 оқу жылы бойынша мектеп психологының мұғалімдермен жұмыс

ж о с п а р ы

Мақсаты :Тәрбие беруде педагог қызметкерлерге, ата-аналарға қолдау көрсету және олардың бойында өзара көмек, жауапкершілік пен сенімділікті қалыптастыруға ықпал ету.

Мектеп педагог-психологы                         Мұқыжан Ә.Қ.

                                   №137 негізгі орта мектеп

Тақырыбы: «Мұғалімнің кәсіби мәдениеті»

                         Шеберлік класс

               2018-2019 оқу жылы

Дайындаған:     педагог-психолог             Кульмаганбетова З.Р

Мұғалімнің кәсіби мәдениеті!- шеберлік класс.

Мақсатымыз:   Мұғалімнің танымдық деңгейін көбейту; шығармашылдық, кәсіби қабілетін ашу;рухани байлығын дамытуға жағдай жасау; кәсіби мәдениеттілікті насихаттау.

Қатысатындар:   педагогикалық ұжым.

Көрнекіліктер: Ватман қағаз, фломастерлер, әртүрлі суреттер, А-4 форматты қағаздар, әдістемелік бланктар,  интер активті тақта, «аутотренинг» дискісі.

Өткізілетін орын: акт залы.

Мектеп психологы: Құрметті әріптестер шеберлік классқа қош келдіңіздер!

Ұстаз - киелі мамандық. Адам тәрбиелеу, оған ғылым негіздерінен мәліметтер беру, баланы өмір сүруге үйрету өте қиын шаруа. Бұған Елбасының білім және ғылым қызметкерлерінің екінші съезінде «Болашақта еңбек етіп, өмір сүретіндер- бүгінгі мектеп оқушылары. Мұғалім оларды қалай тәрбиелесе Қазақстан сол деңгейде болады. Сондықтан да ұстазға жүктелетін міндет өте ауыр»- деген сөзі дәлел.

Бүгінгі өткізейін деп отырған шеберлік классын  «Мұғалімнің кәсіби  мәдениеті» -деп атадық.

 1-ші бөлім  Баяндама

Тәуелсіз ел тірегі –білімді ұрпақ десек, жаңа дәуірдің күн тәртібінде тұрған мәселе сапалы білім беріп, ғылымды дамыту. Осы орайдағы білім ордасы –мектеп, ал мектептің жаны мұғалім екені баршаға мәлім. Елбасымыз Нұрсұлтан Әбішұлы Назарбаев «Мұғалімдер қоғамның ең білімді, ең отаншыл бөлігі болып табылады. Сіздер біздің балаларымызды өсіріп олардың ақыл-ойын жетілдірудесіздер. Олар үшін кейде ата-аналарына қарағанда сіздердің беделдеріңіз үлкен. Жас ұрпақтың болашақ азаматтық бағдары, олардың патриотизмі, туған жерге деген махабаты көп ретте сіздерге байланысты» -деп мұғалімдердің ұрпақ алдында жауапты екендерін түсіндіргендей. Педагог ғалымдардың еңбектеріне сүйене отырып, мұғалім мәдениеті мен шеберлігі, интеллектуалдығын төмендегідей бөліктермен анықтауға болады.

1.     Мұғалімнің сыртқы келбет мәдениеті.

2.     Мұғалімнің өзін-өзі басқару шеберлігі.

3.     Мұғалімнің мимика және пантомимо ишараларын (жест) мәнерлі негіздері.

4.     Мұғалімнің мәдениеті, әдебі, сөйлеу шеберлігі, шешендік қасиеті, демалу, дауыс дикциясы, интонациясы.

Балаларды оқыту мен тәрбиелеу ісінде жалпы әдеп атаулыны педагогикаға кірікттіріп пайдаланудың өзі педагогтық әдеп болып табылады. Әдепті мұғалім ересек адамдармен қалай сыпайы және ілтипатты сөйлессе оқушылармен де солай, тек ересектерден гөрі сақ және ықыласпен сөйлеседі. Педагогтың әдебі ілтипаттылық, сенім білдірушілік әділдік, төзім мен сабыр сақтау қасиеттерімен өлшенеді. Сондықтан да ұстаз ұрпақ тәрбиелеудегі қоғам сенген адам.

Ұлы ағартушы Ыбырай Алтынсарин «Маған жақсы мұғалім бәрінен де қымбат, өйткені жақсы мұғалім –мектептің жүрегі » деген. Қазіргі біздің заманымыздың 21 ғасыр мұғаліміне қойылатын талаптар мынадай:

-         Мұғалім жеке көзқарасы бар және соны қорғай білетін жігерлі тұлға және маман болу қажет;

-         Мұғалім білім негіздерін өз беттерінше оқып, үйренуге оқушыны баулуға міндетті;

-         Мұғалімнің педагогикалық ойлау қабілеті ғылыми түрде қалыптасуы тиіс;

-         Мұғалім-педагогикалық үрдісте баламен ынтымақтаса қызмет ету керек;

-         Педагог әрқашан өз білімін толықтырып, шығармашылығын арттырып отыру ға міндетті;

Ұлы  педагог  К. Ушинскийдің сөзімен айтқанда «Мұғалім – өзінің білімін үздіксіз көтеріп отырғанда ғана мұғалім. Оқуды, ізденуді тоқтатысымен оның мұғалімділігі де жойылады» деген қағидасын жадымызда ұстасақ, мұғалімде тоқыраушылықтан аман болары сөзсіз.

 2-ші бөлім Жаттығулар құрылымдарымен таныстыру:

1.     «біздің ұжымның тәртібі, ережесі»мен таныстыру;

2.     «есімдер аллитерациясы» әр топта отырғандар өз есімдерін айтып және де есімдерінің бірінші әріпінен басталатын бойындағы жағымды қасиетін айту;

3.      «Мұғалімнің кәсіби құзыреттіліктерін өзіндік бағалауы» тесттік тапсырма

4.     «Мұғалімнің әдептілігі» тестік тапсырма

5.     З.Королеваның «Сөйлейтін гүлдер» суреттік әдістемені ұсынамын.

6.     «Мұғалімнің конфликтогенділігіне» тестік тапсырма

7.     Аутотренинг «Өкпені еріту»

8.     Жағдаяттарды талдау.

9.     Коллаж жасау «Болашақтағы мұғалім мамандығының қоғамдағы орны», «Болашақтың мектебі»

10.             Рефлексия «Тілек ағашы» бүгінгі жаттығулардан алған әсерлеріңізді мына жүрекше стиктарға жазып тілек ағашына жапсыру.