Халықаралық қарттар күні Біріккен Ұлттар Ұйымы Бас Ассамблеясының шешімі бойынша 1991 жылдан бері жыл сайын 1 қазанда атап өтіледі. Оcы мерекенің тарихына сүйенсек, өз бастауын бұл мереке ХХ ғасырдан бастайды. Алғаш рет Қарттар күнін Еуропада, кейін Америкада, ал 80-жылдардың аяғында барлық әлемде атап өтетін болды. Осы бір айтулы күн қарсаңында біздің мектеп ұжымы да қағыс қалмай, жылдағы дәстүр бойынша мектеп мұғалімдері мен оқушылары қарттарымызды құттықтап, шын көңілдерін білдіріп, азғандай сыйлықтарын беріп қайтты.

Дүниеге келер бір рет,
Дария-кеуде, тау мүсін.
Құрыштан құйған құдірет –
Қарттарым, аман-саумысың?!

Үлкенді сыйлау, оларға құрмет көрсету – ата-бабадан келе жатқан салтымыз. Сіздердің өмірлік тәжірибелеріңіз бен ақыл-кеңестеріңіз, тәлім-тағылымдарыңыздың біз үшін орны бөлек. Себебі, әрқайсыларыңыздың еліміздің өсіп-өркендеуіне қосқан үлестеріңіз бен еңбектеріңіз ерен. Талай жасты тәрбиелеп, ізбасарларыңызды өсірдіңіздер. Бүгін, еңбектеріңіздің зейнетін көріп отырған шақта да Сіздер ұрпақтарыңызға игілік пен ізгіліктің, пайым-парасаттың үлгісін танытудан жалыққан емессіздер. 

Сән еңкейген нұр жүзінен әл тайып,
Қуат кетіп бара жатыр қартайып.
Отбасында, бала – шаға қасында
Жетпістер мен сексендер жүр қалқайып.
Көңіл жетім болмаған соң сыңары
Жас баладай жаутаңдаған жанары
Қайта – қайта қарағың кеп тұрады
Қағыс естіп қалбақтайды баладай
Мәпелеңдер қарт біткенді аялап
Ниеті ақ, көңілі кең даладай
Кімге болсын қарттың жетер аяңдап.