Менің сүйікті қалам –Қарағанды
    Оқушыларды туған елін,жерін сүюге,құрметтеуге және оның әсем табиғатын, жер байлығын сақтауға, Қарағанды топырағынан шыққан ұлы есімдерді үлгі етіп, мақтан тұтуға тәрбиелеу мақсатында  №137  жалпы білім беретін орта мектебінің  кітапханасында 08.02.2013ж  «Менің сүйікті қалам- Қарағанды » іс-шара 5 «Б»  сынып оқушылары арасында өтті.

Туған өлке әркімнің өз үйінің табалдырығын аттап шыққанда табаны тиіп, қолымен ұстап, көзімен көріп жүрген жердің тарихы, географиясы, халқы, жеткен жетістіктері мен қиындықтары болып табылады. Әрбір адам неғұрлым өзінің туған жерінің табиғатымен, тарихымен, мәдениетімен етене жақын жүріп, оларды зерттеп білуге құштар болса, олардың жан-дүниесі бай, көңіл-күйі сергек болады, әрі туған жердің, елдің қадір-қасиетін білген адам өзін оның перзенті санап, оған жауапкершілік сезіммен қарайды. Кеншілер астанасы – Қарағанды қаласы мәдениеті дамып, саяси өмірі қайнаған ірі өндіріс орталығы ретінде бүкіл әлемге танымал. Оқушылардың қызығушылығын арттыру мақсатында  Қарағанды  атты энциклопедия кітабы көрсетіліп, Қарағанды қаласына жалпы мәлемет беру мақсатында презентация және буклеттер көрсетілді. 

         "Өткеніңді ұмытсаң, өшкеніңнің белгісі, Өткеніңді еске алсаң, өскеніңнің белгісі!" - деп халық даналығы айтқандай, шәкірттеріміз-жастарымыз әлем таныған қаламыздың көне тарихын, мәдениеті мен өнерін біліп өссе, күн санап қанат жайып, көркейіп келе жатқан әсем қаланың бүгінгісіне қуана білсе, келешегін ойымен барлай алса, "Менің Отаным", "Менің сүйікті қалам", "Менің Қарағандым", – деген асқақ ой, ыстық сезім жүректерінде ұяласа, нұр үстіне нұр болар еді.