Алаш жұртының азаттығына қол жеткізген Тәуелсіздік – ең басты құндылығымыз. Ата-бабаларымыз сан ғасыр бойы армандап өткен Тәуелсіздікке қантөгіссіз бейбіт түрде қол жеткізіп, еліміз әлемнің өркениетті мемлекеттерінің қатарына қосылды. Елбасы Нұрсұлтан Назарбаевтың салиқалы саясатының арқасында тәуелсіз Қазақ елі қалыптасып, тарихымыз түгенделіп, тіліміз, дініміз қайта оралып, мемлекетіміздің ұлттық рәміздері қабылданып, ұлттық салт-дәстүріміз жанданды. 2012 жылдың 1 желтоқсанында қазақстандықтар жаңа мемлекеттік мереке – Тұңғыш Президент Күнін атап өтеді. Осыған орай қарашаның 28-ші жұлдызында Қарағанды қаласының №137 жалпы білім беретін орта мектебінің кітапханасында Президент күніне байланысты ҚР Президенті Н.Ә. Назарбаевтың кітаптарына арналған көрме ұйымдастырылып, «Астана – ел басының тарихи жетістігі » атты фото стенд ілініп, мектеп мұғалімдері мен оқушылар назарына ұсынылды