Психология – ғажайып ғылым!» психология апталығының қорытынды аңықтамасы

Ағымдағы жылдың  15-19 қаңтар аралығында «Ақниет» бөбекжайында  Қарағанды қаласының білім бөлімі ММ әдістемелік кабинетінің жылдық жоспары негізінде «Психология – ғажайып ғылым!» психология апталығы өтті.

Психология апталығының  мақсаты мен міндеттері

         Мақсаты:білім беру үдерісіне қатысушылардың психологиялық мәдениеті мен медиасауаттылығын қалыптастыруға жағдай жасау, тәрбиеленушілердің, оқушылар мен педагогтардың психологиялық әл-ауқатын сақтауға және нығайтуға жәрдемдесу.

         Міндеттері:

-«психология» ғылымы, адам өміріндегі психологиялық білімнің рөлі мен орны және кәмелетке толмағандардың психологиялық денсаулығы мен әл-ауқатының маңыздылығы туралы білімді кеңейту арқылы психологиялық білімді насихаттауға ықпал ету;

-білім беру үдерісінің барлық қатысушыларына психологиялық білім беруге ықпал ету;

-тәрбиеленушілер мен оқушылардың жеке тұлғалық дамуына жәрдемдесу ;

-коммуникативтік дағдылар мен біліктілігін , оның ішінде өз ойлары мен эмоцияларын тыңдау және білдіру қабілетін дамыту;

-қатысушыларға психологиялық қолдау және өз-өзіне көмек көрсету мүмкіндіктері туралы ақпарат беру:

-білім беру процесінің барлық қатысушыларын белсенді қызметке тартуға ықпал ету.

Осы мақсат пен міндеттерді жүзеге асыру барысында апта бойы төмендегі іс-шаралар өткізілді. Апталықтың бірінші күні «Психология – ғажайып ғылым!» психология апталығының ашылуы презентация түрінде апталықтың барлық қатысушыларына ұсынылды.

Мектепке дейінгі ұйымбарлық топтарында тәрбиеленушілерімен:

«Эмоциялар калейдоскопы»  топтық ойындар

Мақсаты:балалардың эмоциялар жайлы білімдерін кеңейту.

Эмоцияларды ажырату, эмоцияларды көрсету біліктерін жетілдіру.

Бір-біріне мейіріммен қарауға тәрбиелеу.

«Эмоциялар қалашығы»  үстел үсті ойындары

Мақсаты:  балалардың эмоцияларды ажырату, эмоцияларды көрсету біліктерін жетілдіру.

«Менің көңіл-күйім»  шығармашылық алаңы      

Мақсаты:балалардың көңіл-күй, эмоциялар жайлы білімдерін кеңейту. Сурет салу, мүсіндеу, жапсыру шығармашылық іс-әрекеттері арқылы көңіл-күйлерін сипаттауға үйрету.

«Эмоциялар кемпірқосағы» ұйымдастырылған іс-әрекеті    

Мақсаты: балалардың эмоциялар жайлы білімін бекіту.Көңіл-күйлерін жеткізе білу біліктерін дамыту.

«Эмоциялар әлемі»  суреттер көрмесі

Мақсаты:қатысушылардың эмоциялар және өзінің көңіл-күйін сурет арқылы жеткізу біліктері, шығармашылық қиялдарын дамыту.

ата-аналармен:

«Тиімді қарым-қатынас» кеңес(мектепке дейінгі ұйым сайтында, инстаграмм әлеуметтік желісі арқылы)

«Мектеп жасына дейінгі балалардың эмоционалдық дамуы»  кеңес(мектепке дейінгі ұйым сайтында, инстаграмм әлеуметтік желісі арқылы)

педагогтармен:

 «Эмоцияны басқару» тренинг элементтері бар шеберлік сыныбыМақсаты:педагогтерге өз эмоцияларын саналы түрде қабылдау және эмоционалды реттеу дағдыларын дамыту біліктерін жетілдіру.

«Тиімді қарым-қатынас» кеңес  

Мақсаты:педагогтердің басқа адамдармен байланыс орнатуға, өз ойлары мен сезімдерін тыңдауға және білдіру біліктерін дамыту.

«Медитация және визуализация» мандалатерапия элементтері қолданылған сабағы        

Мақсаты:педагогтерге мандалатерапия элементтері арқылы психикалық әл-ауқатты жақсарту үшін позитивті бейнелерге назар аударуды және елестетуді үйретуге көмектесу негізінде іс-шаралар өткізілді.

Апталықтың соңында психология апталығы қатысушыларымен кері байланыс орнатылып, «Психология апталығына шолу»  іс-шарасы жүргізілді. Мақсаты қатысушылардың психология апталығынан алған әсерлері мен білімдерін қорытындылау.

Психология апталығы негізінде білім беру үдерісіне қатысушылардың:

- психологиялық мәдениеті мен медиа сауаттылығын қалыптастыруға жағдай жасалды;

-қатысушыларға психологиялық қолдау және өз-өзіне көмек көрсету мүмкіндіктері туралы ақпарат берілді;

-білім беру процесінің барлық қатысушыларын белсенді қызметке тартуға ықпал жасалды;

-  коммуникативтік дағдылар мен біліктілігін , оның ішінде өз ойлары мен эмоцияларын тыңдау және білдіру қабілетін дамытуға жағдай жасалды.

Апталық барысын саралай келе,  «Психология – ғажайып ғылым!» психология апталығы жоғары деңгейде өткені аңықталды.