Ағымдағы жылдың 5 маусымда Қарағанды қаласының ішкі саясат бөлімінің мемлекеттік әлеуметтік тапсырысы аясында Қарағанды қаласы әкімі аппаратында Қазақстан Республикасының мемлекеттік рәміздерін пайдалану, қолдану және насихаттау жөніндегі облыстық мониторинг-инспекциялық топ мүшелері Кабулова Шахмарал Майбекқызы, және Техникалық реттеу және метрология комитетінің Қарағанды облысы бойынша департаментінің бас маманы Қосыбаева Гүлнар Нызалқызы еліміздің басты атрибуттарын пайдалану және насихаттау мәселелері бойынша семинар өткізді. Семинарға Қарағанды қаласы әкімі аппаратының, білім беру, СЭБ мемлекеттік мекемелерінің өкілдері қатысты. Семинарға қатысушылар ұлттық стандарттарға сәйкес келмейтін мемлекеттік рәміздерді ауыстыру және жою мәселелері бойынша егжей-тегжейлі әдістемелік кеңестер алды. Сонымен қатар Қазақстан Республикасы Президентінің жанындағы Ұлттық құрылтайдың «Адал адам – Адал еңбек – Адал табыс» атты отырысында берген тапсырмаларын түсіндірді, сонымен қатар, Жолдаудың маңызды жерлеріне сипаттама берілді.