“Оқушылар сарайының” туған күніне арналған іс-шаралар аясында 2023 жылдың 1-5 қараша күндері Сарай сахнасында 5-11 жас аралығындағы тәрбиеленушілер үшін “Ертегі ертегіде” атты спектакль көрсетілді. “Брависсимо” балалар және жасөспірімдер шығармашылық орталығының 9-18 жас аралығындағы жас әртістері көрермендерге музыкалық, көңілді итальяндық ертегі сыйлады.

Әр спектакльден соң “Брависсимо” балалар мен жасөспірімдер шығармашылығы орталығы балалар үшін би - ойын бағдарламаларын ұйымдастырды. 5-7 жастағы тәрбиеленушілеріміз аталған іс-шараға ата-аналарымен бірге қатысты. Бұл іс-шаралар балаларға және ата-аналарға жарқын әсерлер мен мерекелік көңіл-күй сыйлады.

Сондай-ақ, сүйікті Сарайымыздың туған күніне орай ұйымдастырушылық-бұқаралық бөлімі үйірме мүшелері үшін «Самый, самый» атты байқау бағдарламасын ұйымдастырды. Оған «Брависсимо» балалар мен жасөспірімдер шығармашылығы орталығының, «Ала гүлдер» үлгілі бейнелеу өнері студиясының және «Бозторғай» вокалдық студиясының тәрбиеленушілері белсене қатысты.

Байқауға қатысқан әрбір адам достарының жеңісіне көтеріңкі көңіл-күй мен қуаныш сыйлады. Жеңімпаздар «Самый, самый» атағы үшін дипломдармен марапатталып, ата-аналарымен және басқа үйірме мүшелерімен қуанышпен бөлісті.

Туған күнің құтты болсын, Сарай!