«Робототехниканы оқытудың онлайн құралдары»

ОНЛАЙН – СЕМИНАРЫ

2021 жылдың 3-4 ақпан күндері «Цифрлы әлем»  ақпараттық сауаттылықты дамыту апталығында Қарағанды қаласының педагогтары үшін  «Оқушылар сарайы»  коммуналдық мемлекеттік қазыналық кәсіпорыны мен  Қарағанды қаласының білім бөлімі бірлесе отырып,  «Робототехниканы оқытудың онлайн құралдары» атты онлайн-семинарын  ZOOM платформасында өткізді.

Семинарда педагогтарға «Оқушылар сарайының»  Робототехника лабораториясының онлайн оқыту бойынша іс-тәжірибесі ұсынылды. Робототехника лабораториясының педагогтары Братцев Сергей Александрович («Жас инженер» курсы) және Малік Татьяна Нұрланқызы («Перворобот» курсы) қатысушыларға алгоритмдер, бағдарламалау және виртуалды конструкторлар бойынша құрастыруға арналған практикалық тапсырмалар туралы айтып өтті.

Сонымен қатар, балалармен робототехникада онлайн сабақтар өткізу кезінде қашықтықтағы байланыс платформасымен және онлайн-қызмет интерфейстерімен таныстырды.

Бүгінгі күні робототехника зертханасында сабақтар біріктірілген оффлайн және онлайн оқыту форматында өткізіледі. Практика көрсеткендей, бұл тәсіл балалардың робототехникаға деген қызығушылығын күшейтеді және оларды сабақты өнімді, өз бетінше және  құштарлықпен  оқуға үйретеді.