2023жылдың 10 наурызда  Қарағандықаласы «Ж.Тәшенев атындағы жалпы білім беретін мектебі» КММ-де Қазақстанның ірі мемлекет қайраткері, ел қамқоры, ұлт жанашыры Ж.А.Тәшеневтің туған күніне орай ұйымдастырылған  «Ұлттық рухтың символы – Жұмабек Тәшенев» атты қалалық Құрылтай өтті.

Құрылтайдың мақсаты – аса көрнекті мемлекет қайраткерінің елге сіңірген ересен еңбегі, рухани мұрасының зерттелуі, оның Елдік туын тұғырынан түсірмей жасаған ерлік істерін үлгі-өнеге етіп, рухани игіліктерді танып білуге, өткен тарихымызды зерделеуге ұмтылдырып, қазақ жастарына патриоттық тәрбие беру. Ж.Тәшеневтің қоғамдық - саяси қызметін жаңа тарихи көзқарас тұрғысынан қорытып, тарихи шындық тұрғысынан зерттеу

Құрылтай барысында «Жаңа Қазақстандық патриотизмді қалыптастыру» бағытында жұмыстарды жүзеге асыру үшін ел тарихындағы Жұмабек Ахметұлы Тәшенев сияқты көрнекті қайраткерлердің өмірі мен қызметін үлгі, өнеге тұтып, жас ұрпақты тәрбиелеу     көзделді.

Құрылтайға:

«Қарағанды қаласының білім бөлімі» ММ басшысы Әшім Есентай Мұқатайұлы

Тарих ғылымдарының кандидаты, «Тұлғатану» ғылыми-зерттеу орталығының директоры Бейсенбекова Нұрсахан Ахметқызы

«Қарағанды қаласының білім бөлімі» ММ әдістемелік кабинетінің меңгерушісі Байжигитова Төлеубике Рымхановна

«Қарағанды қаласының білім бөлімі» ММ әдіскері Ильясов Шамиль Амангельдыевич,

сонымен қатар, қала мектептерінің 10-11 сынып оқушылар мен жетекшілері қатысты.

Жұмабек Тәшенев – біздің ұлттық мақтанышымыз, ел үшін еңіреген ер, қайтпас қайсар күрескер. Халқымыздың біртуар ұлының отансүйгіштік, ұлтжандылық, намысшылдық және жүрек жұтқан ерлік үлгісі егемен ел атанып, тәуелсіздік туын желбіреткен тұтастай қазақ еліне, соның ішінде қазіргі қайраткерлер мен санаткерлерге жігер-қуат берері сөзсіз.