"Мектепке жол"

республикалық акциясы

2025 жылдың 01 тамызынан "Мектепке жол"республикалық акциясы басталды. Науқан 2025 жылдың 30 қыркүйегіне дейін жалғасады.

Акцияның мақсаты:аз қамтылған және көп балалы отбасылардан шыққан оқушыларға, жетім балаларға, сондай-ақ ата-анасының қамқорлығынсыз қалған балаларға оқу жылының басталуына дайындық кезінде материалдық қолдау көрсету және әлеуметтік себептер бойынша балалардың мектепке келмеуінің алдын алу.

Әр мектепте әлеуметтік көмекке мұқтаж балалардың арнайы жеке тізімдері құрастырылған. Білім беру ұйымдарында "жедел желілердің" үздіксіз жұмысы ұйымдастырылды.

Акция аясында әр бір өмірлік қиын жағдайға тап болған отбасының балалары көмек ала алады. Өз кезегінде, барлық бей-жай қарамайтын азаматтар, кәсіпкерлер, меценаттар акцияға қосылып, мұқтаж жандарға көмек көрсете алады.

Айта кетейік, "Мектепке жол" акциясы жыл сайын жаңа оқу жылы қарсаңында өткізіледі.

Өткен оқу жылында «Мектепке жол» акциясы аясында  1391әлеуметтік осал отбасылардан шыққан  оқушыларға көмек берілді.

Балаларға мектепке дайындалуға көмек көрсетуге ниет білдіргендер Қарағанды қаласының білім бөліміне Степной 2, 9-үй, 22-кабинет, байланыс телефоны 8/7212/343413 мекен - жайы бойынша немесе тікелей   білім беру ұйымдарына жүгіне алады.

Әр бала мектепке сеніммен және қуанышпен баруы үшін күш біріктірейік!

Қарағанды қаласының білім бөлімі