«Оқуға құштар мектеп» республикалық жобасын жүзеге асыру және 2020 -2025 жылдарға арналған білім беру ұйымдарының кітапханаларын перспективалық дамыту Жол қартасы аясында 2023 жылдың атаулы күндері мен оқиғаларының күнтізбесі жасалды. Мектеп кітапханасы ақын , мемлекет қайраткері Бұқар жырау Қалқаманұлының туғанына 330 жыл толуына орай «Қазақтың «көмекей əулиесі» —Бұқар жырау Қалқаманұлы» атты танымды сағат ұсынады. Бұқар жырау Қалқаманұлы (1693–1787) – әйгілі жырау, Абылай ханның ақылшы-биі, абыз. Жұрт оны «Көмекей әулие» деп атаған. Сөйлегенде үнемі қара сөзбен емес, көмекейі бүлкілдеп, түйдек-түйдек жырмен сөйлейтін болған. Көбіне-көп Абылай ханның өтінішімен, «сәуе айтшы» деген тілегімен түсінде көрген істерін болжап айтады екен, бұлары дәлме-дәл келіп отырған. Жырау қазақ халқының жоңғар басқыншылығы тұсында, елдің болашағы қыл үстінде тұрған кезде өмір сүріп, сол алмағайып замандағы күрделі мәселелерге өз жырларымен жауап бере білген.
