Қазақстанда 2021 жыл Тәуелсіздік жылы деп жарияланды. Осыған орай "Бір ел — бір кітап" республикалық акциясы ел тәуелсіздігінің 30 жылдығына арналды. Аталмыш акция аясында "30 кітап — Тәуелсіздіктің 30 жылдығына" атауымен танымал қазақстандық авторлардың проза, поэзия, драматургия, балалар әдебиеті және аударма саласындағы 30 үздік шығармасы жалпыхалықтық оқуға іріктелді. Мектеп кітапханасы балалар әдебиеті жанрындағы Толымбек Әбдірайымның "Алабұға аулаған күн" әңгімелер жинағына викториналық сұрақтар ұсынып, кітапты бірге оқуға шақырады?!
