Рәміздер

Отчёт методиста ИЯ за I полугодие 2010-2011 уч. гг.

Поздравление с Днем Независимости.

Құрметті әріптестер, ұстаздар!

Тәуелсіздік - ең алдымен қазақ халқының бостандыққа ұмтылған асқақ армандары мен қайсар рухының жемісі. Сондықтан да біз үшін Тәуелсіздік күні - ең қастерлі күн.
Еліміздің тәуелсіздігін жариялап, дербес мемлекет ретінде әлемге танылуына Елбасымыз Нұрсұлтан Әбішұлы Назарбаевтың ерен еңбегінің арқасында қол жеткіздік.
Тәуелсіздіктің 19 жылы ішінде елімізде қыруар істер атқарылды. Бұл жылдарда тарихи жеріміздің шекарасын халықаралық шарттарға сай бекіттік. Мемлекеттік рәміздеріміз, Ата Заңымыз, ұлттық валютамыз және жаңа Астанамыз дүниеге келді. Әлемдік қоғамдастық алдында Қазақстан Республикасы деген асқақ рухты елдің бар екенін мойындаттық. Ел экономикасы нығайып, мәдени, рухани даму деңгейі жаңа белеске көтерілді. Өзіне тән барлық институттары бар, әлемдік қауымдастықтың ықпалды мүшесі болып табылатын мемлекет құрылды.
Бұл жетістіктер мен табыстарға еліміздің тұңғыш Президенті Нұрсұлтан Әбішұлы Назарбаевтың саражолды, салиқалы саясатының арқасында қол жеткіздік.

Қадірлі әріптестер!

Мемлекет басшысы атап өткендей тәуелсіздік алған алғашқы күннен бастап жас мемлекетіміздің қалыптасуына, бүгінгі шыққан биігі мен қол жеткен жетістіктеріне бір жұдырықтай жұмылған барша қазақстандық үлес қосты. Тату-тәтті бірлігімізбен тәуелсіз еліміздің дамып, өркендеуіне келешекте де үлесімізді қосып, ел рухын асқақтата береміз деп сенемін.
Баршаңызды еліміздің ең ұлық мерекесі - Тәуелсіздік күнімен тағы да құттықтай отырып, мықты денсаулық, жанұяларыңызға жақсылық, бақ-береке тілеймін. Еліміз тыныш, халқымыз аман болсын!
Отанымыз - тәуелсіз Қазақстанның шаңырағы биік, іргесі берік болсын! Мереке құтты болсын!

«Қарағанды қаласының білім бөлімі» ММ бастығы

Д.Жекебаев

Современные подходы к оценке учебных достижений

Структурный анализ урока

Лист наблюдения и оценки урока

Виды анализа урока

Отчет работы ИАО 2010 (полугодие)

О переходе на 12-летнее образование

10 советов молодому учителю

О внедрении кредитно-дистанционной формы обучения в школах города