"Жаз-2015"

    Халықаралық балаларды қорғау күніне арналған  «Қазақстан балалары-Нұрлы жолмен!»  республикалық акциясы  аясында біздің мектепте жазғы сауықтыру лагері салтанатты түрде ашылды. Балалар ән айтып, мың бұрала би билеп, өз өнерлерін ортаға салды.

Кинотеатрға сапар шегу.

   8 мамырда мектеп лагерінің балалары «Саржайлау» кинотеатрына сапар шекті. Кинотеатрда бұл күні «Пингвиненок Пороро» атты мультфильм өтті. Мультфильм кішкене көрермендерге арналған, сондықтан да біздің көрермендердің ішінде мұндай орынға бірінші рет кеп отырғандар болды. Көрініс мектеп оқушыларына қатты ұнап, үлкен әсер қалдырды, әсіресе пингвиннің кішкене баласы Поророның батыл да өжеттігі балаларды қуантты.

«Қауіпсіз жаз»

  Мектепте балалардың арасында құқықбұзушылықты болдырмау, көшедегі жол-көлік апаттарын алдын алу, ТЖ алдын алу мақсатында «Қауіпсіз жаз» науқаны өтті.

ЖАС ӨРТ СӨНДІРУШІЛЕР

    4 мамыр күні біз өрт сөндіру бөліміне саяхат шектік. Бұл бөлім біздің мектебімізден қашық емес жерде орналасқандықтан, тез жеттік. Алайда оқушылар өрт сөндіргіш машиналарға қызыққаны сонша, бөлім ішінен шыққылары келмей ұзақ жүрді. Бөлім қызметкерлері балаларға өрт сөндіру қызметі туралы көп ақпарат берді, сонымен қатар өздерінің тәжірибесіндегі қызықтарын да айтты. Соңында барған балалардың барлығы болашақта «өрт сөндіруші» болатын болды.

САЯБАҚҚА САЯХАТ

3 мамыр күні лагеріміздің балалары тағы да Майқұдықта орналасқан Қазақстан 50 жылдығы саябағына барды. Бұл жолы ешқандай сайыс, жарыстарға қатысуға емес, балалар дем алып, түрлі әткеншектерге отырып, уақыттарын қызықты өткізді. Әр бала өз талғамына қарай әткеншек таңдап, қуанышқа бөленді. Балалардың демалдысқа шыққандағы тағы бір қызықтары балмұздақ, қант таяқшалары, шырындар, сабынды көпіршіктер және т.б. Барлық бала өздеріне алған базарлықтарына қуанып, түске қарай шаршап мектепке қайтты.

ЕКІНШІ КҮН ЛАГЕРЬДЕМІЗ!

  Мектеп лагерінің екінші күні де бірінші күндей қызықтарға толы болды. Балалардың бүгінгі күні мектеп алдында жаттығу жасаудан басталды. Таңғы ас ішкеннен кейін барлығымыз аулаға шығып түрлі спорттық ойындар ойнап, қызықты уақыт өткіздік. Ауладан балалар түскі асқа кірді. Одан кейінгі бүлдіршіндердің қызығы  шашки ойнау және сурет салу  болды. Бүгінгі күннің соңы өткен күні болған сурет сайысын қорытындылап, жеңімпаздарды мадақтаумен аяқталды.

1-МАМЫР-БАЛАЛАРДЫ ҚОРҒАУ КҮНІ 

«1-мамыр-Балаларды қорғау күні» мерекесіне орай және мектеп лагерінің ашылуына қарсы мектебіміздің балалары «Қазақстан 50 жылдығы» саябағына саяхат жасап, түрлі жарыстарға қатысып, жүлделі орындарға ие болды. Саяхаттан келіп, түскі ас ішкеннен кейін балалар бүгінгі күн туралы өз әсерлерін қағаз бетіне түсірді. Осы суреттерінің қорытындысы 2 мамыр күні шығып, үздіктері марапатталады.

Хайуанаттар бағы

     9 мамырда мектеп бүлдіршіндері хайуанаттар бағына сапар шекті. Бақтағы түрлі жан-жануарлар балаларға умытылмас әсер қалдырып, өздерінің қылықтарымен таң қалдырды. Бұл күні де балалар күндерін қызықты өткізді.

«Бегопарк»

10 мамыр күні лагерь балалары қаламыздағы балаларға арналған үлкен ойын-сауық мекені «Бегопаркке» барды. Бегопарк барлық балалардың сүйіп баратын орны болғандықтан, біздің бүлдіршіндер де аса үлкен қызығушылық танытты. Осындай әсерлі орынға келгендеріне бәрі қатты қуанды. 

12 мамыр- жазғы мектеп лагерінің бірінші науқанының жабылуы. 

Бүгін екі апталық қызықты да, әсерлі лагеріміздің бірінші науқаны жабылуда. Лагерьге қатысқан мектеп оқушылары бір жыл бойы бір мектепте оқыса да, осы екі апта мерзімінде бір-біріне қатты бауыр басып, бұрынғыдан бетер достықтары беки түсті. Барлығы бір отбасы балаларындай соңғы күндерін барынша әсерлі, есте қалардықтай етіп өткізуге тырысты.