Мақсаты:Тұлғаның дамуына, тәрбиесіне, денсаулығын сақтауға қолайлы болатын білім беру ортасын құру.

Міндеті: «Оқушыларда өміріне және денсаулығына қауіпті жағдайдың алдын алатын мінез-құлық қалыптасу керек. Оқушылар арасында аурушаңдықты азайту».

      Мектепте жүргізілетін жұмыстар келесі бағыттар бойынша өтеді:

Ұйымдастырушылық- оқу жылының басында мектепте санитарлық жағдайды тексерістен өткізу ( желдетілуін қарау, жылыту, денешынықтыру залының құралдарын түгендеу, буфеттегі, сыныптардағы мүліктің орналасуын тексеру) және мектептің мектептің мектеп оқушыларын қабылдауға даярлығын анықтау. Қажет жағдайда акт толтырып, оның орындалу мерзімін қоса көрсетіп,  мектеп басшылығына тапсыру керек.

Медкабинетті даярлау, оны керекті жабдықтармен қамту (өлшеуіш, бойөлшегіш, аптечка, оқушылардың көз көруін анықтайтын кесте, термометрлер, тоңазытқыш-сөмке,шыны шкаф).

Қажетті медициналық құжаттарды даярлау.

Балаларға медициналық көмек көрсетуді ұйымдастыру бойынша керекті әдістемелік ұсыныстар, бұйрықтар папкасын даярлау немесе толықтыру. Санитарлы-ағартушылық жұмыстар бойынша шартты-әдістемелік папкасын дайындау:

а) Оқушылардың денсаулығын қорғау бойынша әңгімелер, лекциялар, диктанттардың тексттері;

б) ғылыми-танымал және медициналық фильмдердің тізімі;

в) Оқушылардың денсаулығын қорғау бойынша түрлі сұрақтарға қатысты буклеттер, мақалалар, таратпа қағаздар, ескертпелер;

г) Қосымшаматериалдар, көрмелер, плакаттар, санбюллетендер.

      Медициналық ұжымның жылдық жоспарын құру,оны КМҚӨ №4 емханасының директорына бекіттіру, мектеп директорымен келістіру.