Республикалық акция: «Мектепке жол» Назар аударыңыз!

Қазақсан Республикасының Білім және ғылым министрлігі жаңа оқу жылына дайындық кезінде аз қамтылған отбасылардан  шыққан мектеп оқушыларына қолдау көрсету және балалардың 1 қыркүйекте мектепке келмей қалуының алдын алу мақсатында жалпы республикалық «Мектепке жол» акциясын жариялады, оны жыл сайын 1тамыздан 30 қыркүйекке дейінгі аралықта өткізуге ұсыныс берілді.

Акцияның мақсаты: аз қамтылған, көп балалы отбасылардың мектеп жасындағы балаларына оқу жылының басында көмектесу, әлеуметтік жағдайларға байланысты мектепке келмей қалған балаларды анықтау.

Қазіргі уақытта елімізде 10 мыңдай отбасы балалары бар. Осы балалардың  мектеп партасына отыруына көмек берейік. Соның ішінде өзекті мәселе болып отырған биылғы оқу жылына киер киімі жоқ,ата-анасының қамқорлығынсыз қалған және көп балалы отбасы балаларына көңіл бөлсек.

Жасөспірім ұл-қыздарға өздеріңіздің жүрек жылуларыңыз бен кішкене ықыластарыңызды бөліңіздер. Дағдарыс балалардың көңіл-күйіне салмағын түсірмеуі керек.

Көмек ретінде мектепке қажетті құрал-жабдық пен киім, оқыту құралдары, жиһаз бен ойыншықтар,тұрмыстық техника мен спорттық құралдар,тамақ өнімдері т.б. ұсынып жатсаңыз, артық болмайды. Сіздердің көмектеріңіз мұқтаж отбасылар балаларын мектепке апару  қиындығын жеңілдете түседі.

Біз, балаларға жүрек жылуын беру сіздің қолыңыздан келетінін білеміз және сенеміз. Алты жасқа толған әрбір бала мектепте оқуы тиіс.Егер сіз мектепте оқымайтын,  көшеде қараусыз, қадағалаусыз қаңғып жүрген балалар туралы білсеңіз, сенім телефондарына хабарласыңыз: 372598

Акцияға қатысқысы келетіндер анықтама алу үшін Октябрь ауданы, № 8 ЖББОМ 

-не хабарласуға болады. Байланыс телефондары: 372598    

Сіздерді «Мектепке жол» қайырымдылық  акциясына қатысуға шақырамыз!

№ 8 ЖББ орта мектеп әкімшілігі

******

«Мектепке жол» акциясын

ұйымдастыру туралы

Қарағанды қаласы білім бөлімінің 2018 жылдың 1 тамызындағы хаты негізінде жыл сайынғы жалпы республикалық «Мектепке жол» акциясын ұйымдасқан түрде өткізу мақсатында БҰЙЫРАМЫН:

1. «Мектепке жол» акциясы 2018 жылдың 1тамызынан 30 қыркүйек аралығында жоспарлы түрде мектеп ішінде өткізілсін.

2. Акция барысында мектеп жасындағы балаларды білім ұйымдарында оқумен қамту, әсіресе күн көрісі төмен отбасылардан шыққан балаларға әлеуметтік көмек көрсету жөніндегі іс-шараларды өткізу жоспарлансын.

3. Ұйымдастыру шараларына мектептің барлық педагогикалық қызметкерлері,   сынып жетекшілер қатыстырылсын.

4. Акция барысында тұрақты демеушілермен бірлесе, көмекті қажет ететін              балалар мектепке қажетті оқу құралдарымен қамтылсын.

5. Бұйрықтың орындалысын бақылау мектеп директорының оқу-тәрбие  ісі  бойынша орынбасары Божанова А.Т.-ға жүктелсін

Директордың м.а                                 Хасенов М.С.  

2018-2019 оқу жылының 1 тамыз - 30 қыркүйек аралығында

«Балаға бірге көмектесейік!» ұранымен өтетін республикалық

акциясын өткізу бойынша іс-шаралар жоспары