Деев Александр Никифорович
1946 жылдың 27 қыркүйегінде туылған. 1965 жылы мектепті бітіріп, 1966 жылы Қарағанды педагогикалық институтының жаратылыстану факультетіне түсті. Институтты 1971 жылы аяқтады. 1972 жылы Қарағанды қаласы Октябрь ауданы №8 орта мектебіне химия және биология пәні мұғалімі ретінде жұмысқа қабылданды. Аталған мектепте 1972 жылдан 1983 жылға дейін қызмет атқарды. 1983 жыл мен 2003 жылдар аралығында осы мектептің директоры болып жұмыс жасады. 2003 жыл мен 2014 жыл аралығында №8 орта мектепте химия пәні мұғалімі болып жұмыс жасады. Қазақстан Республикасы Білімінің үздігі. Жоғары білікті химия пәні мұғалімі.
Шарыгина Любовь Георгиевна
1950 жылдың 26 қаңтарында дүниеге келді. 1965 жылы №149 сегізжылдық мектебін бітіріп, Абай атындағы Сарань педагогикалық училищесіне түсті. 1969 жылы бастауыш сынып мұғалімі дипломын алған соң , туған мектебіне оралды. 1989 жылдан бастап №8 орта мектебінде жұмыс атқарды. Көп жылғы жемісті еңбегі, өз ісіне шығармашылықпен қарағаны үшін, ұстаздық қызметінде жоғарғы нәтижелерге жеткені үшін Қарағанды қаласы білім бөлімі атынан мақтау қағаздары және алғыс хаттармен марапатталған. «Еңбек ардагері» медалі бар.
Қоңыртаева Жұлдыз Сүндетовна
1 шілде 1954 жылы Қарағанды облысы, Қарқаралы ауданында дүниеге келген. 1971-1976 жылдарда Қарағанды мемлекеттік университетінің тарих факультетінде оқыған. Жұмыс жолын Қарқаралы ауданы, №16 орта мектебінде бастады. С.М.Киров атындағы №18 мектепте қызмет жасады. 2003 жылдан бастап № 8 орта мектебінде тарих пәнінің мұғалімі болып жұмыс жасады.
Ракишева Тлеулес Хамидолловна
4 желтоқсан 1952 жылы Қарағанды қаласында дүниеге келді. Октябрь ауданындағы № 68 орта мектебін аяқтады. 1970-1975 жылдары Қарағанды мемлекеттік университетінің физика факультетінде оқыды. Еңбек жолын 1975 жылы №68 жалпы білім беретін орта мектептен бастады. 1985-1997 жылдары №12 ЖББОМ-те, 1997-2007 жылдары №65 ЖББОМ –те, 2007 жылдан бастап №8 ЖББОМ-де жұмыс атқарып келеді. Мадақтамасы: БҒМ мадақтамасы.
Ширяева Антонина Андреевна
1954 жылдың 11 ақпанында дүниеге келген. Ұстаздық қызметін 1974 жылы №88 орта мектебінде пионервожатый ретінде бастай отырып, Е. Букетов атындағы ҚарМУ-де сырттай оқыды. 1983 жылы жоғарғы оқу орнын тәмамдады. №12,17,8 орта мектептерінде бастауыш сынып мұғалімі болып қызмет атқарды. 2004 жылы дипломдағы мамандық бойынша осы мектепте орыс тілі мен әдебиеті пәні мұғалімі қызметін атқаруда.
