17 мамыр күні Ю.Н.Павлов атындағы №35 ЖББ орта мектебі бастауыш сыныптан орта буынға өзінің алғашқы қарлығаштарын ұшырды. Осыған орай мектебімізде «Қош бол, құтты бастауыш!» атты мерекелік шара өткізілді. Бұл шараға мектеп әкімшілігі, ұстаздар мен ата-аналар қатысты.

Мерекелік шара шағын дәмхана ретінде ұйымдастырылып, оқушылар 4 жыл бойы білім нәрімен сусындатқан бастауышы туралы өлең-жырларын айтып, қонақтарға өз өнерлерін паш етті. Сонымен қатар қонақтарымыздың назарына «Менің қызықты сәттерім», «Мен өскенде кім болам?» деген тақырыптарда бейнебаян көрсетілді.Мерекелік шараның барысында 4-сынып түлектері қимастықпен өздерінің балдай тәтті балбұлақ шақтарымен қоштасты.