«Eco-challenge» республикалық жобасы аясында 7-10 сынып оқушылары «Эко-ға бастар 5 қадам», «Менің эко 1 күнім», «Экология-табиғат жүрегі» атты тақырыптық мәселелер бойынша өткен сыныптан тыс іс-шараларға қатысты. Оқушылар тұрмыстық қалдықтардан түрлі бұйымдар жасап, сөзжұмбақтар құрастырды. Сонымен бірге гүл отырғызу тәсілдерімен танысып, топырақ құрамын анықтау жұмыстарына қызыға қатысты. Экологияны қорғауға байланысты үнпарақтар дайындап, эссе-шығармалар жазды.
«Eco-challenge» жобасы аясында тұрмыстық қалдықтарды, макулатура тапсыру жұмыстарында қомақты үлес қосқан оқушылар мен сыныптарды «Экокомфорт клинингтік компаниясы» ЖШС-і арнайы мадақтамалармен марапаттады.
Су - тіршілік көзі.
Ғаламдық экология мәселесіне үн қосу үшін ұйымдастырылған қоғамдық маңызы бар бастамаларды дамыту қорының «Eco-challenge» жобасы аясында 3-Д; 4-А сыныптарында «Су-тіршілік көзі» атты тәрбие және дамыту сабақтары болып өтті. Оқушылар судың өмірдегі маңызы жайлы ой бөлісіп, топтық шығармашылық жұмыстар орындады. Суды қорғау, су қорын сақтаудың жолдары жайлы айтты.
Жалпы білім беретін №77 сектеп-балабақша кешенінде «Eco-challenge» республикалық байқауы аясында 1-А; 1-Ә; 1-Б сынып оқушылары ұстаздарының қолдауымен пластик бөтелкелер мен картон қағаз, түрлі-түсті қағаздарды, акварель бояуларды пайдалану арқылы әсем гүл сауыты мен өсіп тұрған ағашты құрастырып, жоба қорғады.
Жалпы білім беретін №77 мектеп-балабақша кешенінің 3-Ә және 3-Ғ сыныптары «Eco-challenge» жобасы аясында «Тұрмыстық қалдықтарға екінші өмір сыйлайық!» атты шеберлік сыныбын ұйымдастырды. Оқушылар топтық - шығармашылық жұмыста сынып жетекшілерінің қолдауымен тұрмыстық қалдықтардан әсем безендірілген гүл салатын пластик құмыралар, қарындаш-қалам салатын сауыттар, бөлмеге сән беретін люстра, қағаз бен пластиктен құрастырылған ұшақ, пластиктен жасалып, боялған мысық бейнесінің маскасы, шырпыдан құрастырылған әшекей зат салатын қобдишалар жасау жолдарын көрсетті. Тұрмыстық қалдықтардан жасалған заттар көпшілік көңілінен шығып, қызығушылық тудырды.
Жалпы білім беретін №77 мектеп-балабақша кешенінде Республикалық «Eco-challenge» жобасы аясында экологиялық зал ашылды. Экологиялық залда тұрмыстық қалдықтардан оқушылар қолымен жасалған түрлі бұйымдар, оқушылардың қалалық, облыстық, республикалық байқауларда иеленген марапаттары орналастырылды және шыны ыдыстарға суккулент өсімдіктер отырғызылып, флора дизайн жасалды.
Жалпы білім беретін №77 мектеп-балабақша кешенінде «Eco-challenge» жобасы аясында 3-А; 1-Д сынып оқушылары «Қалдықтарға екінші өмір сыйлайық!» атты тәрбие сағатына қатысты. Тәрбие сағатында оқушылар тұрмыстық қалдықтарға екінші өмір сыйлаудың маңызы жайлы ойларымен бөлісті. Екінші өмір сыйлауға болатын қалдық түрлерін суреттен белгіледі. 3-А сынып оқушылары топтық жұмыста дайындаған пластик стақандардан жасалған сәнді люстра, «Қырман» тақырыбында пенопластан құрастырған диірмен, комбайн, астық таситын автокөлік макеттерімен таныстырып, олардың ауыл шаруашылығындағы маңызына тоқталды. Тәрбие сағатын ұйымдастырған ұстаз Хусман К.Х. оқушылары мен шараны өткізуге қолдау көрсеткен ата-аналарға алғысын білдірді.
Қарағанды қаласындағы химия-биология бағытындағы Назарбаев Зияткерлік мектебі ұйымдастырған жас көшбасшылардың облыстық форумына жалпы білім беретін №77 мектеп-балабақша кешенінен қатысқан көшбасшы оқушыларымыз Адилбаева Аружан, Сатанова Арайжан, Аймагамбетов Ақжол «Eco-challenge» жобасы аясында дайындаған «Жалпы білім беретін №77 мектеп-балабақша кешенінде жылыжай ұйымдастырудың пайдасы мен маңызы» атты стартап, «Флора дизайн», «Ұлытау өңірінің киелі жерлеріне туристік маршурт» тақырыптарында экологиялық-тарихи жобалар қорғады. Аталған жұмыстардың ішінде «Жалпы білім беретін №77 мектепбалабақша кешенінде жылыжай ұйымдастырудың пайдасы мен маңызы» атты стартап «ең үздік бизнес жоба» деп танылды.
«Дені сау адам - табиғаттың ең қымбат жемісі»
Жалпы білім беретін №77 мектеп-балабақша кешенінде 7 сәуір дүниежүзілік денсаулық күні аясында №4 емхананың «Салауатты өмір салты» орталығының дәрігер маманы Ердесова Б.С. бастауыш сынып оқушылары арасында «Қауіпсіз өмір», «Дұрыс тамақтану ережесі», «Дені сау болу- сәнділік белгісі» тақырыптарында әңгіме өткізіп, балалар тақырыптық анимациялық мультфильмдер тамашалады. Сондай-ақ, «денсаулық дегенді қалай түсінесіз?» деген сауалға оқушылар сурет салу арқылы жауап берді.
Жалпы білім беретін №77 мектеп-балабақша кешенінде «Eco-challenge» республикалық байқауы аясында 4-ә сынып оқушысы Нуркеева Томирис түрлі тұрмыстық қалдықтар түрінен қолөнер бұйымдарын дайындап, көпшілік назарына ұсынды.
Жалпы білім беретін №77 мектеп-балабақша кешенінде «Eco-challenge» республикалық байқауы аясында Қарағанды қаласындағы «Ресайклинг ТК» жауапкершілігі шектеулі серіктестігінің өкілі Вьюхина Александра 1-11 сынып оқушылары үшін «Қалдықтарды игеру» тақырыбында оқу-тәжірибе сабақтарын өткізді.Сабақ барысында балалар тұрмыс қалдықтарын сұрыптау жайлы кеңестермен танысып, қалдықтарды қайта өңдеудің экологиялық, экономикалық маңызы жайлы ақпараттар алды.
1-11 сыныптарда экология тақырыбына арналған сыныптан тыс іс-шаралардан көрініс
«Eco-challenge» жобасы аясында мектеп кітапханасында «Менің қалам» тақырыбында Қарағанды қаласының тарихы, ұлағатты тұлғалар, Қарағанды қаласы жайлы әдеби-көркем шығармалар мен ән жинақтарының көрмесі ұйымдастырылды.
Жалпы білім беретін №77 мектеп-балабақша кешенінде2019 жылдың 26 қаңтар күні «Eco-challenge» жобасы аясында «Жанарымда жұмыр жер...» атты 1-4 сыныптарда оқитын жас суретшілер көрмесі ұйымдастырылды
«Өз өнеріммен таныстырамын: ұнаса, үйрен» атты талантты, шығармашыл оқушылар өткізген шеберлік сыныбында балалар кесілген үйеңкі, қарағаш қабықтарын және түрлі гипсофила, кермек т.б. кептірілген гүлдер мен шөптерді пайдалану арқылы композиция жасауды үйренді.
