ҰРАНЫМЫЗ

Бүгінгі жас ұрпақ ертеңгі көшбасшы,
Көк туды қолына сеніммен алмақшы.
Айбынды қадаммен нық басып
Болашақ лидері болмақшы

Наш девиз

 Если ты всегда впереди, вмассе жизни, в гуще событий, И других готов за собой вести, Значит, ты по натуре ЛИДЕР !

MOTTO   Leadership through knowledge!

 «Көшбасшы»

 оқушылардың ғылыми қоғамы.

I.ЖАЛПЫ ЕРЕЖЕCI

I.1 Оқушылардың ғылыми қоғамы-бұл ғылыми – зертеушілік жұмыс дағдыларын қалыптастыруға және өз интелектісін дамытуға талпынған оқушы жастардың ерікті шығармашылық бірлестігі;

I.2 Оқушылардың ғылыми қоғамының атауы, эмблемасы, девизі,  дәстүрі болады.

I.3 Оқушылардың ғылыми қоғамы өз құрамына жеке секциялар,ғылыми үйірмелер клубтар енгізе алады.

I.4 Оқушылардың ғылыми қоғамының қызметі Қазақстан Республикасы заңдарына, «Білім туралы» заңдарына сәйкес жүзеге асырылады.

II.ОҚУШЫЛАРДЫҢ ҒЫЛЫМИ ҚОҒАМЫНЫҢ МАҚСАТТАРЫ МЕН МІНДЕТТЕРІ:

Мақсаты:  Оқушылардың оқу пәні бойынша белгілі ғылым саласы бойынша зерттеу, шығармашылық, тәжірибе, іс-әрекет білімі мен іскерлігін қалыптастыруға мүмкіндік жасау, олардың танымдық қызығушылығын арттыруға, шығармашылық қабілеттерін, ақыл-ойын дамытуға ұмтылдыру.

Міндеттері:

- Оқушылардың ғылыми зерттеуге қызығушылығын қалыптастыру

-  шығармашылық қабілеттерін таныту және дамыту

- ғылыми ізденудің әдістерін оқыту

-  шығармашылық сипаттағы жеке тұлғаларды тәрбиелеу жұмыстарын жүргізу.

-  Оқушылардың жан-жақты дамуына,еңбекке шығармашылық тұрғыдан қарауға өмірлік және азаматтық көз қарастарын қалыптастыруға , жоғары адамгершілік қасиеттер мен рухани мәдениетті дамытуға белсенді түрде көмектесу.

                          III.НЕГІЗГІ БАҒЫТТАРЫ

- Дарынды балалардың дамуына тиімді жағдайлар жасау;

- Қоғам мүшелері ғылыми зерттеу, шығармашылық бағыттағы жобалар мен бағдарламалар жасау;

vМектепте оқушылардың ізденіс және шығармашылық жұмыстары туралы интеллектуалды ойындар, олимпиадалар, семинарлар, конференциялар ұйымдастыру;

- Қалалық, облыстық және республикалық деңгейдегі ғылыми практикалық конференциялар, семинар, олимпиада сайыстарына қатысу;

- Ізденіс тақырыптарының тарихи және теориялық негізінде дәлелденген нәтижелердің жетістіктерін тәжірибе жүзінде қолдану;

- Оқушылардың шығармашылық жұмыстарын ақпараттық құралдармен насихаттап отыру.

IV.ОҚУШЫЛАРДЫҢ ҒЫЛЫМИ ҚОҒАМЫ МҮШЕЛЕРІНІҢ ҚҰҚЫҚТАРЫ МЕН МІНДЕТТЕРІ.

Құқығы:

Ізденіс шығармашылық жұмыстарға бейімділігі бар талаптанған  оқушы қоғамның мүшесі бола алады;

Ізденіс шығармашылық жұмыстарына тақырыбы негізінде өз білімін тереңдетуге , қалаған  ғылым, өнер және техника бағытында шұғылдануға құқығы бар;

Ізденіс шығармашылық жұмыстарын қоғам мүшелері болып орындауғы құқығы бар;

Қоғамның құрамына кіретін мүшелерді сайлауға, қоғамның жұмыс мазмұнына және жоспарына, бағдарламаларына ұсыныстар жасауға құқығы бар;

ОҒҚ өткізетін барлық іс-шаралармен секция жұмыстарына қатыса алады;

Түрлі секция жұмысына бір секциядан екіншісіне өтуге құқылы;

Оқушылардың ғылыми жұмыстарына, ғылыми конференцияларға қатысуға өзінің жұмысын ұсына алады;

ҚР кітапхана қорынан ғылыми әдебиеттерді қолдана алады;

        Міңдеттері:

Ғылыми жетекшінің басшылығымен таңдаған тақырыбы бойынша ғылыми зерттеу жүргізуге міндетті;

Өзінің ғылыми деңгейін көтеруге және ғылыми зерттеу жұмыстарының дағдыларымен білімін игеруге міндетті;

ОҒҚ-ның отырысына тұрақты қатысып отыруға міндетті;

ОҒҚ отырыстарында баяндамалар жасауға міндетті;

ОҒҚ басшыларының тапсырмасын жауапкершілікпен орындауға міндетті;

Ізденіс шығармашылық жұмыстарының нәтижесін қоғамның отырысында есеп беруге міндетті;

Қоғам мүшесі өзі таңдаған ғылым саласы, өнер және техника жетістіктерін басқаларға ақпараттық хабар беріп отыруға міндетті;

ОҒҚ мен бөлімшелерінің жұмысын жетілдіру жөнінде ұсыныс жасауға міндетті.

V. КҮТІЛЕТІН НӘТИЖЕ

Оқушының функционалды сауаты,өз құзырлығынқамтамасыз ете алуы;

 Оқу қызметін бағалай және жинақтай білу сауаттылығы;

 Меңгерген білімін кез-келген өмірлік ситуацияларды,қарым-қатынаста қолдана білу сауаттылығы;

Өз бетімен білім алуды ақпараттық технологиялары мен БАҚ материал- дарын қолдана білу сауаттылығы;

Өз құқығын қорғай білу мен қолдану сауатылығы;

Оқушылар басқа мәдениеттерді зерделеу,әртүрлілікті құрметтеу, әлемді жақсы көрушілік тұрғысынан көре алу;

Кәсіпке дейінгі методологиялық құзырлылық;

Оқушылардың «ақпаратты - білімге, білімді – даналыққа» айналдыра алуы.