Биыл заманымыздың заңғар жазушысы Мұхтар Әуезовтің туғанына - 120 жыл. Бір ғана «Абай жолы» роман-эпопеясы дүниежүзі классикасынан ойып орын алған, әлем таныған Әуезовтің мерейтойы Сарыарқа жерінде де аталып өтуде.

Қарағанды қаласындағы көпсалалы гуманитарлы-техникалық колледжі қазақтың кемеңгер жазушысы Мұхтар Әуезовтың 120 жылдығына орай Қарағанды облысы мектептерінің оқушылары арасында «Әлем таныған - Мұхтар» атты облыстық эссе байқауын ұйымдастырды. Осы байқауда Қарағанды қаласындағы № 9 гимназияның 9 «А» сынып оқушысы Чернова Мария топты жарып I орынды иеленді. Чернова Марияның осы байқауға қатысуына ықпал жасап, жетекшілік еткен қазақ тілі мен әдебиеті мұғалімі Нуржанова Сауле Узибековна дипломмен марапатталды