Қазақстан Республикасының  денсаулық сақтау мемлекеттік бағдарламасын дамытуды жүзеге асыру мақсатында  1-10 сәуір айында гимназияда «Пайдалытамақтану-болашақ ұлттық денсаулығы!»  тақырыбында онкүндік өтті. Онкүндіктің мақсаты: дұрыс тамақтану, әсіресе, оқушылардың денсаулығын сақтау және нығайту маңыздылығын арттыру жайлы ақпараттар деңгейін дамыту.

Іс-шараның жоспары құрылып, бекітілді. 1 сәуірде гимназияның 2 қабатында «Оқушылардың дұрыс тамақтану ережесі» тақырыбында  тақырыптық  стенд  рәсімделіп, ата-аналар, оқушылар және педагогтар денсаулықты сақтау және нығайту маңыздылығы  жайлы білді.  2 сәуір күні 1-4 сыныптар  «Дұрыс тамақтану» тақырыбында диктант жазды. 1-4 сынып оқушылары  «Дәрумендер және денсаулық» атты сурет салу конкурсына қатысып, олар көкөністер, жеміс-жидектер, пайдалы және зиянды  азық-түліктердің суретін салды.  Балалар «Дәрумен перілерде қонақта» атты  видеоролик  тамашалап, көкөністер мен жеміс-жидектердің  маңыздылығы туралы білді. Орта буын оқушылары «Фаст-фуд деген не?» тақырыбындағы сұхбаттасуға қатысып,көптеген  қызықты және пайдалы мәліметтер алды. Сұхбаттасу барысында тәтті тағамдар, газды сусындардың зияны туралы пайдалы ақпараттар берілді. «Спорт және денсаулық» тақырыбында 5-6, 7-8 сынып командалары  аралығында  футбол өтті. Онкүндікте оқушылар көптеген қызықты және пайдалы ақпараттар алды. Іс-шаралар жоспар бойынша  жүргізілді.