Expo 2017: Болашақтың энергиясы
Мерзімі: с 10-маусым-17 - 10-қыркүйек-17 Қала: Астана "Expo-2017: Болашақтың энергиясы" халықаралық көрмесі
Ресми сайт: www.expo2017astana.com
Көрме туралы:
ХКБ-ге мүше 161 елдің өкілдерінің жасырын дауыс беру барысында Астана жеңіске жетіп, EXPO-2017 халықаралық мамандандырылған көрмесі өтетін орын ретінде таңдалды. Астананың өтінімін 161 елдің ішінен 103 ел қолдады.
«Экспо-2017» көрмесіне 100-ге жуық елдің қатысушылары мен 10 халықаралық ұйым қатысады. Астанадағы ЕХРО көрмесі 3 айға - 2017 жылғы 10 маусымнан 10 қыркүйекке дейін созылады.Астанадағы көрме «Болашақтың энергиясы» деген атпен өтеді. Ұйымдастырушылар әлемнің әр түкпірінен бес миллионға жуық адам келіп қатысады деген болжам жасап отыр. Бұл көрме ең үздік әлемдік энергия сақтау технологиясын, бүгінде бар баламалы энергия көздерін пайдалануда жаңа әзірлемелер мен технологияны пайдалануға мүмкіндік береді.
«ЕХРО-2017» көрмесі Қазақстан үшін Орталық Азия аумағында және ТМД елдерінде өтетін алғашқы көрме болмақ.
EXPO-2017 халықаралық мамандандырылған көрмесін Астанада өткізу – Қазақстанның негізгі ірі жобаларының бірі.
Анықтама: «ЭКСПО» халықаралық ең ірі көрме техникалық және технологиялық жетістіктерді, сондай-ақ оған мүше елдердің тарихын, дәстүрі мен мәдениетін көрсету үшін өткізіледі. Дүниежүзілік көрменің нәтижесінде халықаралық, экономикалық, әлеуметтік, мәдени дамудың жаңа үрдістерін қалыптастырады. Дүниежүзілік көрме 5 жылда бір рет өткізіледі.Ең алғашқы дүниежүзілік көрме 1851 жылы Англияда өтті. Көрмеден кейін халықаралық аренада дизайн мектептері және өндіріс өнері пайда болды. Осы көрме халықаралық сауданың жандануына септігін тигізді.
1889 жылы Парижде өткен дүниежүзілік көрмеге арнап Эйфель мұнарасын салған. Хрустальды сарайда орын алған ЭКСПО-ның тақырыбы: «Барлық ұлттардың өнеркәсіптік жұмыстарының ұлы көрмесі» болып аталды.
Одан кейін АҚШ, Франция, Германия, Жапония, Бразилия, Канада, Ұлыбритания, Испания, Қытай және басқа елдерде өтті.
