Тақырыбы: Білім күні. Ата  зан  әділеттің қайнар көзі

Мақсаты: 1. Оқушыларға білім күні туралы түсінік беріп, ғылым, білімнің                       адам өмірінен алар орнынның маңыздылығына тоқталу. Ата заңымыз –Конституциямен таныстыру, ондағы баптарға тоқтала кету.

                   2.Оқушыларды отансүйгіштікке, жауапкершілікке, Отанын қорғай отырып Отанының қазынасы әнұран, елтаңба, туын, ата заңды көздің қарашағындай қорғап, қолдап жүруге тәрбиелеу.

Көрнекілігі: Қазақстан картасы, әнұран, елтаңба, ту, отан туралы тақпақтар, қанатты сөздер, суреттер.

І.Ұйымдастыру кезеңі

   Оқушыларға сұрақтар

ІІ. Қысқаша шолу

     а) 1 қыркүйек–Білім күні

     ә) Қазақстан-менің болашағым

ІІІ. Ата заң -Конституция

      Өмір, денсаулық, бостандық.

 

І. Оқушыларға сұрақтар:

   1. Бірінші қыркүйек қандай күн?

   2. Сендер нешінші жыл мектепке келіп тұрсыңдар?

   3. Жазғы демалыстарың қалай өтті?

   4. Қыркүйек айы қай мезгілге жатады

   5. Білім туралы қандай мақал білесіңдер?

   6. Қазақстан туралы қандай өлең білесіңдер?

   7. Біздің мемлекетіміздің тәуелсіздігін алғанына биыл қанша жыл толады?

   8. Мемлекеттік рәміздеріміз: Елтаңба, Ту, Әнұран жайлы кім айтып береді?

   9. Конституция дегеніміз не?

   10.Конституцияның адамдар үшін маңызы қандай? Заң бізге не үшін  қажет?

   11. Еліміздің орталығы қай қала?

   12. ҚР-ын кім басқарады?

 

ІІ. Қысқаша шолу

     Мұғалім: Құрметті оқушылар мен ардақты ұстаздар барлығыңызды бүгінгі жаңа оқу жылымен құттықтаймын!

                «Оқу –білім бұлағы,

                 Білім-өмір шырағы»дегендей осынау өміріміздің шамшырағы білім күні дүниежүзіндегі барша адамзат баласына ортақ күн. Бұл күнді бүкіл әлем болып білім табалдырығын салтанатпен аттайды.

       Әр мемлекет ғылым, біліммен танылады, ғылым мен білімнің арқасында өркен жайып, дамиды. Сондықтан ел болашағы жас ұрпақтың әрбірінің білім алуы басты міндет. Ол Ата заңымыз –Конституцияда да жазылып көрсетілген. Ал әр азамат заңды бұлжытпай орындауға, оны сыйлап, құрметтеуге тиіс.

       Жаңа оқу жылында сіздерге сәттілік, ұлағатты ұстаз, шапағатты шәкірт тілеймін.

       1-оқушы: Оқысаңыз балалар,

       Шамнан шырақ жағылар.

       Тілегенің алдыңнан,

       Іздемей-ақ табылар.

      

       2-оқушы: Бір Аллаға сиынып,

       Кел балалар, оқылық!

       Оқығанды көңілге,

       Ықыласпен тоқылық.

      

       3-оқушы: Сиса көйлек үстінде

       Оқуменен табылған.

       Сауысқанның тамағы,

       Шоқуменен табылған.

       Өнер, білім бәрі де

       Оқуменен табылған.

 

       Мұғалім: Көк аспандай көкпеңбек,

       Қазақстан жалауы.

       Көк емес ол тектен-тек,

       Елдің ашық қабағы.

     

       Елтаңбаны оқушылардың өздеріне суреттеп әңгімелеу.Картадан Қазақстан жерін көрсету. Қазақстан Республикасы туралы білетін өздерінің түсініктерімен әңгімелету.

      

       ІІІ. Ата заң –Конституция

       Мұғалім: Сен шыр етіп дүниеге келдің. Сен сияқты қаншама адам дүниеге келуде. Осы адамдардың барлығы бір заңға бағынады. Ол конституция деп аталады. әр елдің мемлекеттің өз азаматтарына арналған заңы бар.

       30 тамыз –Ата заңымыз қабылданған күн. Өздерің білесіңдер ол адамның, қоғамның, елдің құқығын қорғауға арналған. Әрбір елдің өз Ата заңдары болады. Заң болмаса адам құқығы қорғалмай, бұзақылық көбейіп кетер еді. Мінеки сен дүниеге шыр етіп өмірге келгеннен бастап оның өмірін, денсаулығын тыныштығын қуанышын біздің мемлекетіміздің ұлы заңы Конституция қорғайды.

       Сен әлі кішкентайсың, алайда Қазақстан мемлекетінің мүшесі бола отырып, сен сол елдің азаматысың. Бұл заңда құқықтарымыз ғана емес, міндеттеріміз де қатар жазылған. Оның дәлелі міне, сен бүгін мектепте отырсың. Сен барлық адамдар сияқты оқуға, білім алуға міндеттісің. Мына үлкен мектеп жарық та, кең, әдемі бөлме жақсы білім алып, өз Отаныңа қызмет етуің үшін жасалған.

       Конституцияда сенің міндеттерің айқын көрсетілген.

       30-бапта: «Азаматтардың мемлекеттік оқу орындарында тегін орта білім алуға кепілдік беріледі, орта білім алу міндетің».

36-бапта: «Қазақстан Республикасын қорғау оның әрбір азаматының қасиетті парызы және міндеті».

Мұғалім:Сонымен біздің Ата заңымыз адам денсаулығына, өміріне, қамқорлық жасап қорғауға міндетті. Біз өмір сүріп жатқан ортамызға ешқандай зиян келтірмеуіміз және заңды бұзуға ешқандай құқығымыз жоқ екенін дәлел етеді.

Дүние жүзінде біздің елімізден басқа да алуан түрлі мемлекеттер мен жерлер көп, бірақ адамның туған анасы біреу ғана, олай болса біздің Отанымыз – Қазақстан Республикасы. 

 Біздің Қазақстан Республикасы жылдан-жылға, күннен-күнге өркендеп өсіп, кеңейіп, гүлденіп келеді.

Сендер бүгінгі оқушылар болсаңдар, ертеңгі Қазақстанның болашақ азаматтарысындар.

Сендер тәуелсіз қазақ елінің ең жас ұланысыңдар. Сондықтан өз жерімізді, өз елімізді, әкелеріміз бен аталарымыз сияқты, қадірлеуге, сүюге, қорғауға тиіс екенімізді естен шығармайық.

Онда Отан туралы тақпақтар, нақыл сөздер, мақал-мәтелдерге кезек берелік.

4-оқушы:Отан дейміз от жаққан жерімізді

Отан дейміз өсірген елімізді

Отан дейміз туған жер, атамекен

Биік тау, орман тоғай елімізді.

 

5-оқушы: Қазақстан – атамекен, жер-анам,

Ата-баба өсіп-өнген кең далам,

Қазақстан – сенде туып, сенде өстім,

Қарыздармын сол үшін мен саған.

 

Қорытынды.

Мұғаліім: Бүгін қандай күн?

-         Оқу инемен құдық қазғандай дегенді қалай түсінесін?

-         Адамзаттың басты құндылықтарын ата?

-         Өз құқықтарыңды және міндеттеріңді, заңдарды білу ғана емес, оларды іс жүзінде орындау.

-         Сендердің қазіргі міндеттерің?

-         Отан туралы не айтасың?

-          Қазақстанның болашағын қалай елестетесіңдер, ол туралы пікірлерің?

-         Қазақстанның нағыз азаматы болғың келсе, сен қазірден бастап жақсы оқып тәрбиелі ұқыпты, жаныңдағы достарыңа үлгілі оқушы болуың қажет.

Хор: Отан туралы.

 

 

 

№82Жалпы білім беру орта мектебі

 

 

 

 

          

 

 

 

Ата  Заң  әділеттің

қайнар  көзі

                      сынып  сағаты

 

 

 

                                                     Орындаған: Абдина Н.Б.

 

 

 

 

 

 

 

 

 

 

 

                                     Қарағанды         2011/2012 оқу жылы