Жуырда мектебімізде «Критериалды бағалауды оқушылардың біліп түсінуі» атты қалалық семинар болып өтті. Семинарға қалалық білім бөлімінің әдіскері Оспанова Гүлсара Хабаргелдиевна және қала мектептерінен 60 - тан астам бастауыш сынып мұғалімдері келіп қатысты. Семинарға келген мұғалімдерді мектеп директоры Кулбулатова Қаламкас Сабыровна құттықтап, мектептің тыныс тіршілігіне тоқталды. Сонымен қатар бастауыш сынып оқушыларынан құрылған шағын концерттік бағдарлама көрсетілді. Бастауыш сынып мұғалімдері Жуманбаева Г.А, Хурманхан А, Хоршат Н, Адилова М.Б, Кәріғұл.Н аталмыш тақырыптың негізінде ашық сабақтар өткізді. Соңында «Критерийалды бағалауды жүзеге асыру » тақырыбында әдістемелік бірлестігінің жетекшісі Хурманхан Айбарша коучинг өткізіп кері байланыс жасады. Әр пікірге қалаық білім бөлімінің әдіскері Оспанова Г.Х  талдау жасап толықтырып отырды.

        27.10 күні  №4  негізгі орта мектебінде  қазақ тілі мен әдебиеті пәні мұғалімдеріне  арналған  семинар  болып  өтті.   Семинардың  мақсаты:  пән мұғалімдеріне  оқушылардың  функционалдық  сауаттылығын  арттыруда нақты   әдістемелік  көмек  көрсету. Семинарда  мұғалімдерге арналған семинар-практикум және екі ашық сабақ көрсетілді.Семинар-практикумды мектеп директоры Кулбулатова Қаламқас Сабырқызы жүргізсе, ашық сабақты қазақ тілі мен әдебиеті пәні  мұғалімдері Шукирхан Назгүл мен Жадрасинова Айнұр Жаңбырбайқызы  өткізді. Сабақта жаңашыл әдіс-тәсілдер арқылы оқушылардың функционалдық сауаттылығын арттыру үшін  нақты жұмыстар көрсетілді.