Мамандығы:Әлеуметтік педагог
Педагогикалық еңбек өтілі:жас маман
Мектеп әлеуметтік педагогының қызметі:
Мақсаты: Балалардың жанұядағы әлеуметтік жағдайын анықтау;
• Сыныптың, жеке оқушы отбасының әлеуметтік жағдайын толық зерттеу;
• Баланы әлеуметтік-педагогикалық қорғауға алу;
• Жеке тұлғаның дамуына отбасында әлеуметтік қолдаумен қамтамасыз ету;
• Әлеуметтік педагогикалық кеңес;
• Әлеуметтік-педагогикалық алдын-алу, түзеу, реабелитация;
Әлеуметтік-педагогикалық қызметтің ережесі
I. Жалпы ережелер
1. Өз қызметінде әлеуметтік педагог ҚР «Білім туралы» заңын, ҚР Конституциясын, Қазақстан Республикасының басқа да нормативтік-құқықтық актілерін, бала құқығы туралы Конвенцияны, ҚР «Отбасы және жанұя заңы» / 17.12.1998ж. № 321 / , ҚР «Бала құқығы заңы» / 08.08.2002ж. № 345 / , ҚР Конституциясы / 30.08.1995ж. /,әлеуметтік педагогтардың әдеп Кодексін, Астана қаласы мектеп оқушыларының кешенді тәрбие бағдарламасын, мектеп Жарғысын, мектепті дамытудың перспективалық жоспарын басшылыққа алады.
2. Әлеуметтік педагог лауазымына Білім департаменті тағайындайды және босатады. Білім беру мекемелерінде әлеуметтік педагогтың бір штаттық бірлігі 1000 оқушы құрамына, қажет болғанда 1000 оқушыға екі штаттық бірлік енгізіледі.
3. Әлеуметтік педагог тікелей мынадай принциптерге негізделген:
• кәмелет жасына толмағандарға адамгершілікпен қарау;
• кәмелет жасына толмағандарға, олардың ата-анасы мен заңды өкілдеріне құрметпен қарау;
• кәмелет жасына толмағандардың ата-анасы, заң өкілдері, олардың құқығы мен мүддесін қорғау мәселесі бойынша өзара қарым-қатынас жасау;
Мақсаты: балалардың әлеуметтік құқығын қорғау және балалардың дамуына жағдай жасау, сонымен қатар мектеп пен отбасы арасындағы қарым-қатынасын құру. Балалардың құқықтық білімін жетілдіру, азаматтық, әкімшілік , отбасылық,қылмыстық құқық заңдарын негізге алып, заңға бағынатын азамат тәрбиелеу.
Міндеттері: оқушылардың тұрмыстық жағдайын және әлеуметтік ерекшеліктерін зерттеу; оқушылармен , олардың ата-аналарымен қылмысты болдырмау жөнінде алдын-ала жұмыс атқару.
• «Қиын» оқушы тұлғасының өз бетінше дамуы, мінез-құлықты түзету мақсатын, оның бейімділігін, «қиын» болу себебін айқындау.
• «ерекше назардағы» кәмелет жасына толмағандарға дене және психикалық жай-күйін, денсаулығын нығайту үшін көмек көрсету;
• кәмелет жасына толмағандарды адамгершілік жағынан дамытудығ шарты ретінде оқу орнында гуманистік орта құру;
• кәмелет жасына толмағандардың құқығы мен мүдделерін сақтау, олардың өмірін қорғауға ат салысу.
II.Әлеуметтік педагог жұмысының негізгі бағыттары:
1. Диагностикалық қызметі:
• «қиын оқушылар»;
• кәмелет жасына толмағандарды тәрбиелеу, оқыту, асырау сияқты өз міндеттерін орындамаған, сондай-ақ баланың дене адамгершілік жағынан дұрыс дамуына кері әсер ететін, оларға қатыгездікпен қарайтын «проблемалы» ата-аналармен жұмыс жүйесін қалыптастыру.
2. Өз құзырлығы (компетенция) шеңбері бойынша көмекті қажет ететін балаларға әлеуметтік қорғау көрсету;
3. «Ерекше назардағы» оқушылармен жеке жұмыс іс-шараларын жетілдіру;
4. «Ерекше назардағы» ата-аналармен жеке жұмыс жоспарын жандандыру;
5. Сынып жетекшілері, психолог, медицина қызметкерлері, мектептің басқа да қызметкерлерімен, ата-аналар комитетімен, құқық бұзушылықтың алдын алу кеңесімен, оқушылардың өзін-өзі басқару органымен, құқықтық оперативті топпен, кәмелет жасына толмағандардың құқығын қорғау жөніндегі комиссиямен, қоғамдық ұйымдармен өзара қарым-қатынасты үйлестіру.
