Бастап ауызша және жазбаша сөйлеуді дамытуда мүмкіндігі шектеулі білім алушыларға көмек көрсету мақсатында біздің мектепте арнайы логопедтік пункт ашылды. Логопедтік пункт үшін санитарлық-гигиеналық нормаларға сай келетін кабинет бөлінді. Бұл бөлме оқушылардың сөйлеуін дамыту және түзету үшін қажетті заманауи дидактикалық және таратушы материал бар әдістемелік жабдықтың үлгісі болып табылады.

Логопедтік пункттің негізгі міндеттері:

- білім алушылардың ауызша және жазбаша сөйлеу дағдысының бұзылуын түзету;

- жалпы білім беру бағдарламаларын меңгерудегі қиындықтарды уақтылы ескерту және жеңу;

- педагогтар, ата-аналар (заңды өкілдер) арасында логопедия саласындағы арнайы білімдерді түсіндіру.

Бірінші кезекте жалпы білім беретін мектептің логопедтік пунктіне ауызша және жазбаша сөйлеуінде (жалпы сөйлеу қабілеті дамымаған, фонетика-фонематикалық дамымауы, жазу мен оқу бұзылыстары, тұтықпа, сөйлеу тілінің дыбыс айту жағының бұзылуы (дислалия, дизартрия, ринолалия) әртүрлі бұзылыстары бар балалар қабылданады. Логопедтік пунктке қабылдау 1 қыркүйектен 15 қыркүйекке дейін және 15 мамырдан 30 мамырға дейін оқушылардың сөйлеу дағдысын тексеру негізінде жүргізіледі. Логопедтік пунктқа тексерілген және тіркелген білім алушыларды қабылдау оқу жылы бойы жүргізіледі.

Білім беру мекемесінің логопедтік пунктіне 25 адам қабылдау мүмкіндігі бар.

Сөйлеу қабілеті бұзылған балаларды шығарып салу оқу жылы бойы олардың ауызша және жазбаша сөйлеу тілінің даму кемшіліктерінің түзелуіне байланысты болады.

Оқушылармен логопедтік жұмысты ұйымдастыру нысаны жекеше, топтық сабақтар болып табылады. Логопедтік жұмысты ұйымдастырудың негізгі нысаны топтық сабақтар болып табылады. Топты толықтыру ауызша және жазбаша сөйлеу тілінің даму кемшіліктеріне және білім беру мекемесінің орналасқан жеріне байланысты болады.

Р.Е.Левина бойынша тіл кемістігі тіл құрылымына байланысты және сөйлеу құралының қозғалысына байланысты (дизартрия, ринолалия) екінші деңгейдегі тілі жетілмеген білім алушымен жеке жұмыс жүргізу аптасына үш реттен кем болмауы тиіс. Сөйлеу дағдылары дамуына қарай, бұл білім алушыларға топтық сабақ жүргізіледі. Және де мұндай білім алушыларды тұтығатын және кейбір дыбыстарды дұрыс айта алмайтын білім алушылармен бір топта оқытуға болмайды.

Топтық сабақтардың ұзақтығы 30-35 минут, жеке сабақтардың ұзақтығы – 20 минут.

Топтық сабақтардың және жеке сабақтардың тақырыптары және білім алушылардың сабаққа қатысуы факультативтік және логопедтік журналдарда тіркеледі.

Білім алушылардың логопедтік пункттегі міндетті түрде сабаққа қатысуына мұғалім-логопед, сынып жетекшісі және жалпы білім беру мекемесінің басшысы жауапты болып табылады.

Логопункттің осы уақытқа дейін жұмыс істеген уақытында жүзден астам бала түзету көмегін алды!