1. Қызметкерлерді қабылдау, ауыстыру, жұмыстан шығару тәртібі

 

1. Қызметкерлер жұмысқа 1 қантар 2016 ж. қолданысқа енгізілген

Еңбек кодексіне сәйкес қабылданады.

1. Қызметкерлер өздерінің еңбек құқықтарын жұмыс берушімен

жазбаша түрде келісім-шарт бекіту жолымен жүзеге асырады. Шарт 2 данада бекітіледі. Бір данасы қызметкерге беріледі, екінші данасы – жұмыс берушіде қалады.

1. Қызметкердің жұмысқа қабылдануы  жұмыс берушінің бекітілген

келісім-шарттың негізінде шығарылған 3 күндік мерзімдік бұйрығымен ресімделеді. Бұйрық қызметкерге еңбек шарты бекітілгеннен кейін  хабарланады.

1. Қызметкер жұмысқа сынақ мерзімімен қабылдануы мүмкін. Сынақ

мерзімі 3 айдан аспауы қажет. Сынақ мерзімімен қабылданғаны еңбек шартында және мекеме бойынша шығарылған бұйрықта көрсетілуі қажет.

1. Жұмысқа қабылданғанда жұмысқа орналасушы заңнамада

қарастырылған келесі құжаттарды тапсырады:

• жеке куәлік (көшірмесі);
• еңбек кітапшасы (түпнұсқасы);
• педагогикалық қызметкерлер үшін санат (категория) берілгені туралы куәлік;
• әскери міндеттілер үшін әскери тіркеу құжаттары  (көшірмесі);
• қызметкерлердің білімдері туралы құжаттары - штаттық кестеге сәйкес (көшірмесі);
• медициналық санитарлық кітапша (түпнұсқасы), 086-үлгі;
• қылмыстық құқық бұзушылық жасағаны туралы мәліметтердің бар не жоқ екендігі туралы анықтама
• Жұмысқа қосымша жұмыс атқарушы ретінде орналасқан жағдайда

қызметкер тапсыруға міндетті:

• жеке куәліктің көшірмесі;
• білімі туралы дипломның көшірмесі;
• медициналық санитарлық кітапшаның көшірмесі;
• еңбек кітапшасының көшірмесі;
• санаттылық (категория) туралы куәліктің көшірмесі;
• негізгі жұмыс орны бойынша еңбектің сипаты мен жағдайлары туралы анықтама (жұмыс орны, лауазымы, еңбек жағдайлары).
• Қызметкерді қабылдағанда немесе оны белгіленген тәртіпте басқа

жұмысқа ауыстарғанда әкімшілік оны келесі құжаттармен таныстыруға міндетті:

а) мектеп жасына дейінгі білім мекемесінің жарғысымен;

ә) ұжымдық келісім-шартпен;

б) ішкі еңбек тәртібінің ережелерімен;

в) лауазымдық талаптармен (нұсқаулықпен);

г) еңбекті қорғау және өрт қауіпсіздігі туралы бұйрықтармен.

1. Әр қызметкерге жеке іс жүргізіледі. Жеке іске тігілуі қажет:  

кадрларды есепке алу туралы жеке парақ, өмірбаян, білімдері туралы құжаттардың көшірмелері, санаттылығы туралы және курстық қайта дайындаудан өткені туралы куәліктер (белгілі еңбек өтілі бар педагогикалық қызметкерлер үшін), балалар мекемелерінде жұмыс істеу үшін денсаулығының қарсы көрсетпелері жоқ екені туралы медициналық қорытынды, тағайындау, ауыстыру, көтермелеу, жұмыстан шығару туралы бұйрықтардың үзінділері.

1. Қызметкерлерді басқа жұмысқа ауыстыру, заң қызметкердің

келісімісіз уақытша ауыстыруды қарастыратын жағдайлардан басқа кезде, тек олардың келісімі бойынша ғана жүзеге асырылады (ҚР Еңбек кодесінің 41-б.).

1. Еңбек шарты тек Қазақстан Республикасының заңнамасында

қарастырылған негіздер бойынша ғана бұзыла алады.

1. Қызметкер, өзінің еңбек жағдайлары өзгергені туралы, кемінде бір

ай бұрын хабардар етілуі тиіс. Бұрынғы еңбек жағдайлары сақтала алмайтын, ал қызметкер жаңа жағдайларда жұмыс істеуге келіспейтін жағдайда, еңбек келісім-шарты бұзылады.

1. Қызметкердің, қолданыстағы заңнамаға сәйкес, әкімшілікті жазбаша

түрде хабардар етіп, еңбек келісім-шартын бұзуға құқығы бар.

1. Еңбек шарты бұйрықпен ресімделіп, жұмыстан шығатын тұлғаны

қол қою арқылы таныстыра отырып бұзылады.

1. Жұмыстан кеткен күні ұйым әкімшілігі қызметкерге тиісті түрде

ресімделген еңбек кітапшасын береді. Жұмыстан шығу себептері еңбек кітапшасына заңнаманың тұжырымдамасына сәйкес және заңның бабына сілтеме жасай отырып енгізіледі.

 

1. Қызметкерлердің  міндеттері

 

3.1 Мектепке дейінгі ұйым қызметкерлері міндетті:

а) адал және сапалы жұмыс істеуге, жұмыс тәртібін, мектепке дейінгі білім беру мекемесі Жарғысының және Ішкі еңбек тәртібі Ережелерінің талаптарын орындауға, жұмыс тәртібін сақтауға: жұмысқа уақытында келіп, бекітілген жұмыс ұзақтығын сақтап, әкімшіліктің нұсқауларын уақытында және нақты орындауға;

б) жүйелі түрде,  кемінде 3 жылда бір рет, өзінің  кәсіби біліктілігін көтеруге;

в) білім беру мекемесінде де, одан тыс жерде де тәртіптілік үлгісі болып, тәртіп  нормаларын орындауға;

г) тиісті ережелер мен нұсқаулықтарда қарастырылған еңбекті қорғау, техника қауіпсіздігі, өндірістік санитария, өрт қауіпсіздігі талаптарын сақтауға; жарақаттанудың әр дерегі туралы шұғыл түрде әкімшілікке хабарлауға;

д) мемлекет меншігін сақтауға, электр қуатын, жылуды және суды үнемді пайдалануға, мекеменің ақша қаражаттарын үнемдеу мақсатында телефон байланысын тиімді пайдалануға, тәрбиеленушілерді мемлекет мүлкіне ұқыпты қарауға бағыттауға;

е) жыл сайын, белгіленген мерзімде, Қазақстан Республикасының заңнамасында қарастырылған медициналық қараудан өтуге, флюорографияға түсіп, анализдер тапсыруға;

3.2. Жұмыс орнын, жиhаздарды, құрал-жабдықтар мен құрылғыларды жұмыс қалпында сақтауға, мектепке дейінгі мекеменің ішінде тазалық сақтауға.

3.3. Материалдық құндылықтар мен құжаттарды сақтаудың белгіленген шарттарын орындауға.

3.4. Қазақстан Республикасының нормативтік құжаттарында қарастырылған талаптарға сәйкес белгіленген құжаттаманы уақытында толтырып, ұқыпты жүргізуге.

3.5. Жұмыс орнына жұмыс уақытынан 15 минут бұрын келуге.

3.6. Әр қызметкердің өзінің лауазымы, мамандығы және біліктілігі бойынша орындайтын функционалдық міндеттерінің аясы, мектепке дейінгі ұйымның директоры біліктілік сипаттамаларының негізінде бекітетін, лауазымдық нұсқаулықтармен белгіленеді.

3.7. Мектепке дейінгі ұйымның педагогикалық және басқа да қызметкерлеріне тыйым салынады:

• өз беттерімен ҰІӘ кестелері мен жұмыс тәртібін өзгертуге;
• ҰІӘ өткізбеуге, ҰІӘ уақытын ұзартуға немесе қысқартуға;
• мектепке дейінгі мекемеде балағат сөздер айтуға, шылым шегуге, спирттік ішімдіктер ішуге.

3.8. Бөгде адамдарға ҰІӘ-не тек мектепке дейінгі мекеме әкімшілігінің келісімі бойынша ғана қатысуға болады.

ҰІӘ басталғаннан кейін топқа кіруге, тек ерекше жағдайларда ғана, директор мен әдіскерге рұқсат етіледі.

3.9. ҰІӘ-нің барысында тәрбиеленушілердің көзінше педагогикалық қызметкерлерге  олардың жұмысына қатысты ескертулер айтуға тыйым салынады.

3.10. Жұмысқа науқастануына байланысты келе алмаған жағдайда қызметкер әкімшілікті жұмыс басталғанға дейін ескертуге, сонымен қатар, жұмысқа шыққан бірінші күні жұмысқа уақытша жарамсыз болғаны туралы парақты тапсыруға міндетті.  

 

1. Білім беру қызметкерлерінің негізгі құқықтары

Білім беру қызметкерлерінің негізгі құқықтары төмендегі құжаттармен белгіленген:

• ҚР Еңбек кодексі;
• Жалпы білім беру мекемесі туралы типтік қағидалары;
• ҚР «Білім туралы» Заңы;
• Мектепке дейінгі мекеменің Жарғысы.

Педагогикалық қызметкерлердің келесі құқықтары бар:

1. Мекемені басқаруға қатысуға:
2. ұжымдық келісім-шартты және ішкі еңбек тәртібінің Ережесін

талқылауға;

• педагогикалық кеңес отырыстарының жұмысына қатысып,

қабылданған шешімдерді тұжырымдауға;

• мекеменің жалпы жиналысында шешімдер қабылдауға.
• Өзінің кәсіби ар-намысын қорғауға.
• Ерікті негізде аттестациядан өтуге.
• Педагогикалық қызметкердің үздіксіз еңбек өтілінің және

лауазымының сақталуымен еңбек демалысына шығуына; жыл сайын 56 күн еңбек демалысын алуға, кемінде 5 жылда бір рет педагогикалық біліктілігін арттыруға құқығы бар.

 

1. Әкімшіліктің құқықтары

 

Мектепке дейінгі мекеменің әкімшілігі міндетті:  

1. Педагогтардың, басқа да қызметкерлердің жұмыстарын, олардың

мамандықтары мен біліктіліктері бойынша лауазымдарына сәйкес ұйымдастырып, әр қызметкерге белгілі жұмыс орнын бекітіп, ҰІӘ кестелерімен және жұмыс кестесімен уақытында таныстыруға.

1. Жұмыстың қауіпсіз жағдайларын, жылыту, жарық, желдету, басқа

да құрал-жабдықтардың жұмыс қалпында болуын, жұмысқа қажетті материалдардың болуын қамтамасыз етуге.

1. Қызметкерлердің мектепке дейінгі мекеменің жұмысын жақстаруға

бағытталған ұсыныстарын уақытында қарауға, үздік қызметкерлерді қолдап, көтермелеуге.

1. Жұмыстың ұйымдастырылуын жетілдіріп, қолданыстағы жалақы

шарттарын орындауға. Жалақыны айына бір рет, белгіленген мерзімде төлеуге.

1. Еңбек тәртібін қамтамасыз етуге бағытталған шаралар қолдануға.
2. Еңбек тәртібін бұзған қызметкерлерге қатысты ықпал ету

шараларын қолдануға.

1. Тұрақты түрде, қызметкерлердің техника қауіпсіздігі, өрт

қауіпсіздігі, санитария және тазалық талаптары мен нұсқаулықтарын білулерін және сақтауларын бақылауға.

1. Қызметкерлердің жарақаттану, кәсіптік, басқа да ауруларының

профилактикасына бағытталған қажетті шаралар қолдануға.

1. Жыл сайын, ағымдағы жылдың 31-қаңтарына дейін бекітілетін

кестелерге сәйкес, барлық қызметкерлерге уақытында еңбек демалыстарын беруге.

1. Мектепке дейінгі ұйымның педагогикалық және басқа да

қызметкерлерінің жүйелі түрде біліктіліктерін  арттыруларын қамтамасыз етуге.

 

1. Әкімшіліктің негізгі құқықтары

 

Мектепке дейінгі ұйымның директорының құқықтары:

 

1. Еңбек келісім-шарттарын Қазақстан Республикасының Еңбек

кодексіне сәйкес бекітуге, бұзуға, өзгертуге.

1. Қызметкерлерді адал еңбектері үшін көтермелеуге.
2. Ішкі еңбек тәртібінің Ережелерін сақтауды талап етуге.
3. Бөлінген жалақы қорының аясында штаттық кесте белгілеуге.
4. Біріңғай тарифтік кестенің немесе басқа да үкіметтік құжаттың,

аттестациялық комиссияның шешімінің негізінде жалақы ставкаларын белгілеуге. Кәсіподақ комитетінің пікірін ескере отырып, «Үстемақы, қосымша ақы, сыйақы туралы қағиданы» даярлап, бекітуге.

1. Оқу жоспарын, ҰІӘ кестелерін және жұмыс кестелерін бекітуге.
2. Мекеменің барлық қызметкерлері орындауға міндетті бұйрықтар,

нұсқаулар, басқа да ішкі құжаттар шығаруға. Кәсіподақ комитетінің пікірін ескерумен шығарылатын ішкі құжаттардың тізімі ұжымдық келісім-шартпен бекітілген.

1. Әдіскермен бірлесе отырып, педагогтар мен тәрбиешілердің

жұмыстарына бақылау жасауға, оның ішінде, барлық сауықтыру және тәрбие шараларының кез-келгеніне қатысып, талдау жасауға.

1. Шығармашылық топтың төрайымы мен мүшелерін, педагогикалық

кеңестің хатшысын тағайындауға.

 

1. Жұмыс уақыты және оның пайдаланылуы

 

1. Бес күн жұмыс және екі күн демалыс түріндегі жұмыс  аптасы

белгіленеді.

Жұмыс уақытының ұзақтығы:

• педагогикалық персонал – күніне 4, 48 сағат (тәрбиешілер

ауысым бойынша жұмыс жасайды);

• техникалық персонал – күніне 8 сағат;
• күзетшілер – тәулігіне 12 сағат (демалыс және мереке күндері 24

сағаттан).

Мекеменің жұмысының басталу-аяқталу және тынығу мен ас ішуге үзіліс келесі түрде белгіленеді:

• топтардың жұмысы -  07.30 сағаттан 18.00 сағатқа дейін;
• техперсоналдың жұмысы – 07.30 сағаттан 17.30 сағатқа дейін;
• түскі үзіліс – 13.00 сағаттан 14.00 сағатқа дейін.

Жұмыс уақытында қызметкерлерді олардың тікелей міндеттерінен үзуге, шақыртуға, қызметтік міндеттерімен байланысты емес қоғамдық тапсырмаларды орындатуға тыйым салынады.

Жыл сайынғы еңбек демалысының кезегін әкімшілік белгілейді.

1. Мектепке дейінгі ұйымның әкімшілігі педагогикалық

қызметкерлерді жұмыс уақытында мекемеде кезешілік етуге тартады. Кезекшілік кестесін мекеме директоры бекітеді.

1. Жалпы жиналыстар, педагогикалық кеңестің отырыстары, кеңестер,

ата-аналар жиналыстары бір жарым сағаттан ұзақ созылмауы қажет.

 

1. Тынығу уақыты

 

1. Тынығу уақытының түрлері:
   • жұмыс уақытының барысындағы үзілістер (тынығу және тамақ

ішу үшін үзілістер);

• ауысым арасындағы тынығу (күзетші);
• демалыс күндері;
• мереке күндері;
• еңбек демалыстары.
• Тамақ ішу үшін үзіліс, жұмыс ауысымдары 8 сағат құрайтын

қызметкерлер үшін, жұмыс басталғаннан кейін 3 сағаттан бұрын емес және 4 сағаттан кем емес аралықта белгіленеді.

1. Мектепке дейінгі мекемедегі тәрбиеленушілерді тәрбиелеу, қарау,

күту түріндегі жұмыс ерекшеліктерін ескере отырып, тәрбиешілердің көмекшілеріне күнделікті жұмыс барысында олардың өз қалаулары бойынша пайдаланатын, 1 сағаттан кем емес үзіліс беру қарастырылмайды (ҚР Еңбек кодесінің 93-б.).

1. Жұмыс уақытында тәрбиешілердің көмекшілеріне күнделікті жалпы

қосқанда 1 сағаттан кем болмайтын тынығу кезеңдері белгіленіп, жұмыс уақытына саналады (ҚР Еңбек кодесінің 93-б.). 78,1 пп

1. Тынығу және тамақ ішу кезеңдері жұмыс уақытына саналмайды.
2. Тынығу және тамақ ішу біріктірілуі мүмкін. Тынығу орындары

мектепке дейінгі ұйымның аумағында болады: топ бөлмесі.

1. Қызметкерлерге апта сайын 2 демалыс күні (сенбі, жексенбі)

беріледі.

1. Демалыстардың келесі түрлері белгіленген:
   • ақылы жыл сайынғы еңбек демалыстары;
   • әлеуметтік демалыстар (жалақы сақталмайтын демалыс, оқу

демалысы, балу тууға немесе асырап алуға байланысты демалыс);

• қосымша ақы төленетін еңбек демалыстары (ауыр, қауіпті және

зиянды еңбек жағдайларында жұмыс істейтін қызметкелерге (аспазшы, медбике, кір  жуу  машинасының операторы, қызмет  бөлмелерді  жинаушы).

 

 

1. Жұмыстағы жетістіктері үшін көтермелеу

 

1. Еңбек міндеттерін үлгілі орындағаны, инновациялық жұмыс және

басқа да жетістіктері үшін көтермелеудің келесі түрлері қолданылады:

• алғыс жариялау;
• сыйақы беру;
• құнды сыйлық табыс ету;
• түрлі деңгейдегі мақтау қағаздарымен марапаттау;
• шен беруге ұсыну.
• Жұмыстағы жетістіктері үшін көтермелеулерді директор ресімдеп,

қызметкерге жариялайды. Еңбек кітапшасына жазба басшының шешімі бойынша енгізіледі.

 

1.  Еңбек тәртібін бұзғаны үшін жауапкершілік

 

10.1. Еңбек тәртібін орындамау, яғни, қызметкердің кінәсі бойынша оған жүктелген міндеттердің орындалмағаны немесе сапасыз орындалғаны үшін келесі тәртіптік жазалар қарастырылған:

а) ескерту;

б) сөгіс;

в) қатаң сөгіс;

г) жұмыстан шығару (лауазымына сәйкес келмеу).

10.2. Тәртіптік жазаны, өзіне Қазақстан Республикасының заңнамасына сәйкес берілген құқықтардың аясында, әкімшілік тағайындайды.

Әр бұзушылық үшін тек бір тәртіптік жаза қолданыла алады.

10.3. Жаза қолдану үшін еңбек тәртібін бұзушыдан жазбаша түсініктеме талап етіледі. Жазбаша түсініктеме беруден бас тарту немесе ауызша түсініктеме беру жаза қолданудан босатпайды.

10.4. Жаза мектепке дейінгі ұйым бойынша бұйрықпен жарияланады. Бұйрықта қандай лауазымдық міндеттер бұзылғаны, еңбек тәртібі қалай бұзылғаны нақты аталып, жаза қолдану негіздері көрсетіледі. Бұйрық қызметкерге, оған қол қойылғаннан кейін үш күн мерзімінде, қолхат арқылы жарияланады.

10.5. Тәртіптік жаза қолданылғаннан кейін 6 ай мерзімінде қызметкер жаңа тәртіптік жазаға тартылмаса, ол тәртіптік жазасы жоқ болып саналады.

10.6.  Жұмыс беруші тәртіптік жаза қолданылғаннан кейін 6 ай мерзімінен бұрын оны өзінің бастамашылығымен, қызметкердің, оның тікелей басшысының немесе қызметкерлердің уәкілетті органының өтініші бойынша алып  тастай алады.

 

10.07. Тәртіптік жаза ретінде жұмыстан шығару келесі жағдайларда қолданылады:

• тәртіптік жазасы бар қызметкердің өзінің еңбек және лауазымдық

міндеттерін орынды себептерсіз бірнеше рет орындамағаны үшін;

• жұмысқа шықпағаны, жұмыс орнында орынды себепсіз 3

сағаттан артық уақыт болмағаны үшін;

• жұмыс орнында мемлекеттік мүлікті ұрлау, талан-таражға салу,

мүлікті қасақана жою немесе бүлдіру туралы заңды күшіне енген сот үкімінің немесе әкімшілік жаза қолдануға уәкілетті органның қаулысының негізінде;

• білім беру мекемесінің Жарғысын бір жылдың ішінде қайталап

өрескел бұзғаны үшін.