«Әл-Фараби идеясы - цифрлық заманда»
жаратылыстану-математика бағыты бойынша
ғылыми-тәжірибелік жобалар байқауының
ЕРЕЖЕСІ
- ЖАЛПЫ ЕРЕЖЕЛЕР
Байқаудың мақсаты:
Оқушылардың зерттеу жұмыстары арқылы зияткерлік әлеуетін қалыптастыру, жаңа идеяларды қолдау.
Байқаудың міндеттері:
- талантты, дарынды зерттеушілерді анықтау және жаңа идеяларға қолдау көрсету;
- оқушылардың зияткерлік, зерттеушілік қабілетін және цифрлық әлеуетін арттыру;
- заманауи, үздік ғылыми жұмыстарды анықтау және насихаттау.
- Байқаудың кезеңдері
- І кезең: Іріктеу кезеңі (онлайн)
- ІІ кезең: Облыстық кезеңі (офлайн)
- Байқауға жаратылыстану-математика бағытында3 секция бойынша жұмыстар ұсынылады:
- бағыт «Жас зерттеушілер-2024» - математика секциясы;
- бағыт «Жас Star-2024» - жаратылыстану секциясы;
- бағыт «Inform-2024» - информатикаcекциясы.
- Байқауға ұсынылатын жұмыстар:
- зерттеу жобасының дайын өнімін цифрлық технология негізінде ұсыну (макет, өнім, модель, робот, 3D модель);
- ғылым саласындағы фактілерді, оқиғаларды, құбылыстарды, бұрын белгісіз жаңалықтарды, эксперименттерді цифрлық түрде ұсыну;
- Байқауды ұйымдастыру және өткізу тәртібі
- Іріктеу кезеңіне 4,5,6 сынып оқушыларының жоба жұмыстары мен өтінімі al.farabi.konkurs@mail.ru электрондық поштаға жіберіледі және онлайн түрде іріктеліп, келесі кезеңге өткендігі туралы Қарағанды қаласы Әл-Фараби атындағы мектеп-гимназиясының сайты, инстаграм парақшасында жарияланады.
Әр мектептен әр бағыт бойынша 1 жұмыс қабылданады. Командалық жұмысқа 2 оқушыдан артық қатыса алмайды.
- Облыстық кезеңге іріктелген жұмыстар офлайн форматта өтеді. Авторға жобаны қорғау үшін 7-10 минут беріледі.
Қатысушылар:4,5,6 сынып оқушылары
Өткізу тілі: қазақ, орыс
Іріктеу кезеңіндегі зерттеу жобаларын бағалау критерийлері
Зерттеу жобаларын бағалау келесі критерийлер арқылы жүргізіледі:
- қойылған проблеманың өзектілігі;
- зерттеу жаңалығы;
- жоба жұмысының мазмұнының сапасы;
- зерттеу әдістері, ғылыми құндылығы;
- қойылған мәселені практикалық тұрғыдан шешу жолын көрсету;
- цифрлық технологияны қолдану;
- жоба нәтижесінің болуы;
- антиплагиат 70% жоғары.
- Зерттеу жобасын ресімдеуге қойылатын талаптар
- Титул парағы нөмірленбейді, келесі беттен бастап нөмірленеді.
- жұмыс орындалған ұйымның толық атауы; қала, мектеп, автордың тегі, аты, сыныбы;
- жұмыс атауы;
- бағыт, секция;
- жоба жетекшісінің тегі, аты, әкесінің аты;
- Зерттеу жұмысының көлемі баспа мәтіннің 20 парағынан аспауы тиіс; теру шрифті – Тіmes New Roman, шрифт өлшемі - 14, кегль (жоларалық интервал 1,5 см), азат жол шегінісі - 1,25 см; жиектері: жоғарғы, төменгі, оң жақ - 2 см, сол жақ - 3 см; беттерді төменгі ортасынан нөмірлеу.
Зерттеу жобасын қорғау барысындамесенджерлер, әлеуметтік желі және цифрлық қосымшалар, платформалар мүмкіндіктерін қолдану.
Байқауды ұйымдастыру
1. Байқаудың дайындық жұмыстарын жүзеге асыру және өткізу бойынша ұйымдастырушылық комитеті құрылады.
2. Ұйымдастырушылық комитеті байқауды дайындауды және өткізуді тікелей басқаруды жүзеге асырады, қазылар алқасын бекітеді.
Байқау қортындысын шығарады және жеңімпаздар мен жүлдегерлерді марапаттайды.
І. Байқау екі кезеңнен тұрады.
I кезең іріктеу – онлайн форматта өткізіледі. Байқаудың облыстық кезеңіне қатысу үшін білім беру ұйымдарынан өтінім (Қосымша 1) 12-16 ақпан аралығында al.farabi.konkurs@mail.ru электрондық поштаға қабылданып, іріктелінеді.
Байқау ережесінің электрондық нұсқасы, жоба қорытындысын Қарағанды қаласы Әл-Фараби атындағы мектеп-гимназиясының сайтынан, инстаграм парақшасынан көре аласыздар.
IІ кезең (облыстық) - 2024 жылдың 28 ақпан, Қарағанды қаласы, Шахтерлер даңіылы, 66 мекен-жайында «Әл-Фараби атындағы мектеп-гимназиясы» КММ өтеді.
5. Байқауды өткізу тәртібі:
09:00-09.30 — тіркелу;
09:45 — байқаудың ашылуы;
10.00— байқаудың басталуы.
Мектеп сайты:https://kargoo.kz/index/fromorg/143
Мектеп инстаграмы:schoolgymnasium_al_farab
Байланыс тел: 8 700 567 90 98, 8 701 303 90 93
- Зерттеу байқауының жеңімпаздарын марапаттау
- Зерттеу байқауының облыстық кезеңінің жеңімпаздары I, II, III дәрежелі дипломдармен марапатталады және қатысушыларға сертификаттар беріледі.
