Балаларды жалпы білім беретін ұйымдарға қабылдау

және олардың қозғалысы туралы

        Қарағанды қаласы білім бөлімінің 2018 жылғы 21 желтоқсандағы №1777 "Мемлекеттік қызметтерді автоматтандыру туралы" бұйрығын жүзеге асыру мақсатында 2019 жылдың 10 қаңтарынан бастап Қарағанды қаласының мектептері арасында оқушыларды мектепке қабылдау және оқушылардың қозғалысы http://school.kargoo.gov.kz/ автоматтандырылған жүйеде жүзеге асырылады.

МЕКТЕПКЕ ҚАБЫЛДАУДЫҢ ЖАҢА ЕРЕЖЕЛЕРІ

ата - аналардың назарларына!

Бірінші қоңыраудың толқу сәті ата-аналардың күйзелісімен бітпес үшін, мектеп үшін құжаттарды қалай дұрыс жинау керектігін оқыңыз. Бірінші сыныпқа түсуге өтінімді екі тәсілмен беруге болады-электрондық өтініш және жеке өтініш.

Қарағанды қаласының білім бөлімінің порталы арқылы баланы мектепке тіркеу мемлекеттік қызметін келесі түрде пайдалануға болады:

1. Барлық жалпы білім беру мекемелерімен танысу;

2. Қабылдау үшін квоталар санын білу (қалаған мектебіне тұрғылықты жері бойынша жатпаған жағдайда );

3. Қалаған мектепті таңдау;

4. Баланы мектепке қабылдау туралы өтініштің электрондық нысанын толтыру;

5. Өтініш беру туралы хабарлама алу;

6. Өтінішті тіркеу туралы хабарлама алу.

Осы қызметті Қарағанды қаласының білім бөлімінің порталы арқылы алу үшін келесі құжаттардың электрондық көшірмелері (фотосурет немесе скан) міндетті түрде болуы қажет:

1. 2008 жылға дейін туылған жағдайда баланың туу туралы куәлігінің көшірмесі (баланың жеке басын куәландыратын құжат (түпнұсқа жеке басын сәйкестендіру үшін талап етіледі);

2. Қазақстан Республикасы Денсаулық сақтау министрінің 2003 жылғы 24 маусымдағы № 469 бұйрығымен бекітілген "баланың денсаулық паспорты "026/у-3 есеп нысанын толтыру және жүргізу жөніндегі Нұсқаулықты бекіту туралы" №026/у-3 нысанындағы денсаулық жағдайы туралы құжаттың 1,17 және 18 беттерінің көшірмелері (нормативтік құқықтық актілерді мемлекеттік тіркеу тізілімінде № 2423 болып тіркелген));

3. баланың суреті;

4. педагог-медициналық-психологиялық комиссияның қорытындысы (бар болса).

Осы қызметті тікелей Қарағанды қаласының білім беру мекемесінде алу үшін және қабылдау кезінде Сізге келесі құжаттардың түпнұсқаларының міндетті түрде болуы қажет:

1. Баланың ата-анасынан немесе өзге де заңды өкілдерінен өтініш.

2. Баланың туу туралы куәлігінің көшірмесі (жеке басын сәйкестендіру үшін түпнұсқа қажет).

3. "Баланың денсаулық паспорты" (026/у-3 нысаны - тереңдетілген медициналық тексеру туралы мәліметтермен, барлық егулердің болуы), дәрігердің қолымен және емдеу мекемесінің мөрімен (А4 форматты мұқабамен).

4. 063/Е нысанды түпнұсқа (егу нысаны).

5. Көлемі 3х4 см фотосурет (2 дана).

Көрсетілетін қызметті алушы – шетелдіктер және азаматтығы жоқ адамдар, сондай-ақ олардың мәртебесін айқындайтын, тұрғылықты жері бойынша тіркелгені туралы белгісі бар мынадай құжаттардың бірін ұсынады::

шетелдік – шетелдіктің Қазақстан Республикасында тұруға ықтиярхаты;

азаматтығы жоқ адам-азаматтығы жоқ адамның куәлігі;

босқын-босқын куәлігі;

пана іздеген тұлға-пана іздеген адамның куәлігі;

оралман-оралман куәлігі.

Құжаттарды қабылдау

1 маусымнан басталып, ағымдағы жылдың 30 тамызына дейін жалғасады.

Ескерту:мектепке электронды өтініш беру 2019 жылдың 1 маусымында сағат 8: 00-ден бастап қолжетімді болады. Өтінішті электронды түрде берген кезде ата-аналар құжаттарды оқу орнына ұсынуы қажет. Оқу орнына жеке өтініш беру барлық құжаттар пакетімен бірге ата-аналардың мектепте жеке қатысуын талап етеді.

Барлық ақпаратты http://school.kargoo.gov.kz порталынан білуге болады./