Қарағанды қаласы әкімдігінің
«Қарағанды қаласының білім бөлімі»
мемлекеттік мекемесінің
«№60 жалпы білім беретін орта мектебі»
коммуналдық мемлекеттік мекемесінің
ЖАРҒЫСЫ
1.Жалпы ережелер
1.Қарағанды қаласы әкімдігінің «Қарағанды қаласының білім бөлімі» мемлекеттік мекемесінің «№60 жалпы білім беретін орта мектебі»коммуналдық мемлекеттік мекемесі (бұдан әрі – коммуналдық мемлекеттік мекеме) білім беру әрекетін жүзеге асыру үшін мекеме ұйымдық құқықтық нысанында құрылған, заңды тұлға мәртебесіне ие коммерциялық емес мекеме болып табылады.
2. Мемлекеттік мекеменің түрі: коммуналдық.
3. Коммуналдық мемлекеттік мекеме 1968 жылдан бері жұмыс істеп келеді.
4. Коммуналдық мемлекеттік мекеменің құрылтайшысы: Қарағанды қаласының әкімдігі болып табылады.
5. Тиісті саланың уәкілетті органы, сондай-ақ оған байланысты коммуналдық мемлекеттік мекеменің мүлкіне қатысты құқық субъектісінің функцияларын жүзеге асыратын орган «Қарағанды қаласының білім бөлімі» мемлекеттік мекемесіболып табылады.
6. Коммуналдық мемлекеттік мекеменің атауы: Қарағанды қаласы әкімдігінің «Қарағанды қаласының білім бөлімі» мемлекеттік мекемесінің «№60 жалпы білім беретін орта мектебі»коммуналдық мемлекеттік мекемесі.
7. Коммуналдық мемлекеттік мекеменің тұрған жері: 100020, Қазақстан Республикасы, Қарағанды облысы, Қарағанды қаласы, Павленко көшесі - 9 А.
2. Коммуналдық мемлекеттік мекеменің заңдық мәртебесі
8. Үлгісі: мектепке дейінгі тәрбиелеу мен оқытуды, бастауыш, негізгі орта білім және жалпы орта білім беруді ұйымдастыру.
9. Түpi: мектепке дейінгі шағын орталығы бар, негізгі орта білім беретін және жалпы орта білім беретін оқыту сырттай жүргізілетін кешкі мектеп.
10. Коммуналдық мемлекеттік мекеме ол мемлекеттік тіркелген кезден бастап құрылды деп есептеліп, заңды тұлғаның құқықтарына ие болады.
11. Коммуналдық мемлекеттік мекеменің Қазақстан Республикасының заңнамасына сәйкес дербес теңгерімі, банкте шоттары, бланкілері, Қазақстан Республикасының Мемлекеттік Елтаңбасы бейнеленген және коммуналдық мемлекеттік мекеменің атауы жазылған мөрі болады.
12. Коммуналдық мемлекеттік мекеме басқа заңды тұлғаны құра алмайды, сондай-ақ оның құрылтайшысы (қатысушысы) бола алмайды.
13. Коммуналдық мемлекеттік мекеме өзiнiң мiндеттемелерi бойынша өзiнің кепілдігіндегі ақшамен жауап бередi. Коммуналдық мемлекеттік мекемеде ақша жеткіліксіз болған кезде оның міндеттемелері бойынша Қазақстан Республикасы немесе әкімшілік-аумақтық бірлік тиісті бюджет қаражатымен субсидиарлық жауапты болады.
14. Коммуналдық мемлекеттік мекеменің азаматтық-құқықтық мәмілелері, олардың Қазақстан Республикасы Қаржы министрлігінің аумақтық қазынашылық бөлімшелерінде тіркелгеннен кейін, күшіне енеді.
3. Коммуналдық мемлекеттік мекеме қызметінің мәні мен мақсаттары
15. Коммуналдық мемлекеттік мекеме қызметінің мәні- мектепке дейінгі тәрбиелеу мен оқыту, бастауыш, негізгі орта білім және жалпы орта білім беретін оқыту сырттай жүргізілетін кешкі білім беруді ұйымдастыру саласында білім беру қызметі.
16. Коммуналдық мемлекеттік мекеме қызметінің мақсаты – Қазақстан Республикасының «Білім туралы» Заңына сәйкес, мектеп жасына дейінгі балаларды тәрбиелеу және оқыту, оқушыларға білім және тәрбие беру болып табылады.
17. Коммуналдық мемлекеттік мекеменің міндеттері (ҚР «Білім туралы»Заңына сәйкес):
1) ұлттық және жалпы адамзаттық құндылықтар, ғылым мен практика жетістіктері негізінде жеке адамды қалыптастыруға, дамытуға және кәсіптік шыңдауға бағытталған сапалы білім алу үшін қажетті жағдайлар жасау.
2) жеке адамның шығармашылық, рухани және күш-қуат мүмкіндіктерін дамыту, адамгершілік пен салауатты өмір салтының берік негіздерін қалыптастыру, даралықты дамыту үшін жағдай жасау арқылы ой-өрісін байыту;
3) азаматтық пен патриотизмге, өз Отаны - Қазақстан Республикасына сүйіспеншілікке, мемлекеттік рәміздерді құрметтеуге, халық дәстүрлерін қастерлеуге, Конституцияға қайшы және қоғамға жат кез келген көріністерге төзбеуге тәрбиелеу;
4) белсенді азаматтық ұстанымы бар жеке адамды тәрбиелеу, республиканың қоғамдық-саяси, экономикалық және мәдени өміріне қатысу қажеттігін, жеке адамның өз құқықтары мен міндеттеріне саналы көзқарасын қалыптастыру;
5) отандық және әлемдік мәдениеттің жетістіктеріне баулу; қазақ халқы мен республиканың басқа да халықтарының тарихын, әдет-ғұрпы мен дәстүрлерін зерделеу; мемлекеттік тілді, орыс, шетел тілдерін меңгерту;
6) педагог қызметкерлердің әлеуметтік мәртебесін арттыруды қамтамасыз ету;
18. Жүзеге асырылатын оқу бағдарламаларының тізбесі:
1) стандарттықбағдарламаны қолдану;
2) негізгі және қосымша білім беруде түрлі пәндерден авторлық бағдарламаларды қолдану;
3) мелекеттік білім беру стандартының талабын есепке ала отырып, бағдарламаларды өз бетімен жасау, жүзеге асыру;
4) балаларды оқыту мен тәрбиелеуде Қазақстан Республикасының Заңына қарама-қайшы келмейтін әдіс-құралдарды, формаларды таңдау.
19. Коммуналдық мемлекеттік мекемегежарғыда (ережеде) бекітілген өз қызметінің мәні мен мақсаттарына сай келмейтін қызметті жүзеге асыруға, сондай-ақ мәмілелер жасауға тыйым салынады.
20. Коммуналдық мемлекеттік мекеме қызмет мақсаттарына қайшы жасалған мәміле, Қазақстан Республикасының шектеулі заңдарында немесе құрылтай құжаттарында не басшының жарғылық құзыретін бұза отырып, жасалған мәміле тиісті саланың уәкілетті органының (жергілікті атқарушы органының) немесе мемлекеттік мүлік жөніндегі уәкілетті органның не прокурордың талабы бойынша жарамсыз деп танылуы мүмкін.
21.Коммуналдық мемлекеттік мекеме басшысының мемлекеттік мекемемен жарғылық емес қызметті жүзеге асыруға бағытталған әрекеті еңбек міндеттемелерін бұзу болып табылып, тәртіптік және материалдық жауапкершілікке әкеледі.
4. Мемлекеттік мекемені басқару
22. Коммуналдық мемлекеттік мекемені жалпы басқаруды Қазақстан Республикасының заңнамасына сәйкес айқындалған, «Қарағанды қаласының білім бөлімі» мемлекеттік мекемесі жүзеге асырады.
23. «Қарағанды қаласының білім бөлімі» мемлекеттік мекемесі Қазақстан Республикасының заңнамасында белгіленген ретпен мынадай функцияларды жүзеге асырады:
1) коммуналдық мемлекеттік мекемеге мүлікті бекітіп береді;
2) коммуналдық мемлекеттік мекеменің жеке қаржыландыру жоспарын бекітеді;
3) коммуналдық мемлекеттік мекеме мүлкінің сақталуына бақылауды жүзеге асырады;
4) коммуналдық мемлекеттік мекеме жарғысын (ережесін) бекітеді, оған өзгерістер мен толықтырулар енгізеді;
5) коммуналдық мемлекеттік мекеменің басқару органдарының құрылымын, құрылуы тәртібі мен өкілеттік мерзімін, мемлекеттік мекеменің шешімдер қабылдау тәртібін анықтайды;
6) коммуналдық мемлекеттік мекеме басшысының құқықтарын, міндеттері мен жауапкершілігін, оны лауазымынан босату негіздерін айқындайды;
7) мемлекеттік органдар болып табылатын коммуналдық мемлекеттік мекемелерді қоспағанда, коммуналдық мемлекеттік мекеменің құрылымы мен шекті штаттық санын бекітеді;
8) коммуналдық мемлекеттік мекеме басшысының ұсынымы бойынша оның орынбасарын (орынбасарларын) лауазымға тағайындайды және лауазымынан босатады;
9) жылдық қаржы есептілікті бекітеді;
10) мемлекеттік мүлік жөніндегі уәкілетті органға, коммуналдық мемлекеттік мекемеге берілген немесе өзінің шаруашылық қызметінің нәтижесінде олар сатып алған мүлікті алып қоюға немесе қайта бөлуге келісімін береді;
11) Қазақстан Республикасының заңнамасында белгіленген өзге де функцияларды жүзеге асырады.
24. Коммуналдық мемлекеттік мекеме басшысы Қазақстан Республикасы заңнамасында көзделген жағдайларды қоспағанда, «Қарағанды қаласының білім бөлімі» мемлекеттік мекемесі бұйрығымен қызметке тағайындалады және қызметтен босатылады.
25. Коммуналдық мемлекеттік мекеменің басшысы мемлекеттік мекеме жұмысын ұйымдастырады және басшылық етеді, «Қарағанды қаласының білім бөлімі» мемлекеттік мекемесіне тікелей бағынады (Қазақстан Республикасы заңнамасында көзделген жағдайларды қоспағанда) және коммуналдық мемлекеттік мекемеге жүктелген міндеттер мен олардың өз функцияларын жүзеге асыруына жеке жауапты болады.
26. Коммуналдық мемлекеттік мекеменің басшысы дара басшылық қағидаты бойынша әрекет етеді және коммуналдық мемлекеттік мекеме қызметінің барлық мәселелерін Қазақстан Республикасының заңнамасында және коммуналдық мемлекеттік мекеменің жарғысында (ережесінде) айқындалатын өз құзыретіне сәйкес дербес шешеді.
27. Коммуналдық мемлекеттік мекеменің қызметті жүзеге асыруы барысында коммуналдық мемлекеттік мекеме басшысы Қазақстан Республикасы заңнамасында белгіленген тәртіппен:
1) коммуналдық мемлекеттік мекеме атынан сенімхатсыз әрекет етеді;
2) мемлекеттік органдарда, басқа да ұйымдарда коммуналдық мемлекеттік мекеменің мүддесін білдіреді;
3) шарттар жасасады;
4) сенімхаттар береді;
5) коммуналдық мемлекеттік мекеменің іссапарларға, тағылымдамаға, қызметкерлерді қазақстандық және шетелдік оқу орталықтарында оқытуға және қызметкерлердің біліктілігін жоғарылатудың басқа да түрлеріне байланысты тәртібі мен жоспарларын бекітеді;
6) банк шоттарын ашады;
7) барлық қызметкерлер үшін міндетті бұйрықтар шығарады және нұсқаулар береді;
8) тиісті саланың уәкілетті органы (жергілікті атқарушы органы) тағайындайтын қызметкерлерден басқа, коммуналдық мемлекеттік мекеме қызметкерлерін жұмысқа қабылдайды және жұмыстан босатады;
9) коммуналдық мемлекеттік мекеме қызметкерлеріне, Қазақстан Республикасының заңнамасына сәйкес көтермелеу шараларын қолданады және оларды жазалайды;
10) өз орынбасарының (орынбасарларының) және коммуналдық мемлекеттік мекеменің басқа да басшы қызметкерлерінің міндеттері мен өкілеттік аясын айқындайды;
11) оған Қазақстан Республикасы заңнамасымен, осы жарғымен (ережемен) және тиісті саланың уәкілетті органы (жергілікті атқарушы орган) жүктелген басқа да функцияларды жүзеге асырады.
5. Коммуналдық мемлекеттік мекемеге тәрбиеленуші мен оқушыларды қабылдау тәртібі
28. Тәрбие мен білім деңгейінің талабына сай жергілікті мекен-жайда тұратын тәрбиеленушілер мен оқушыларды коммуналдық мемлекеттік мекемеге қабылдайды.
29. мектеп жасына дейінгі шағын – орталыққа 3 жастан 6 жасқа дейінгі балалардың қабылдануы жүзеге асырылады:
1) уәкілетті органның бағыттау негізінде/жолдама/;
2) баланың денсаулығы жайында дәрігерлік қорытындынегізінде.
30. Баланы шағын орталыққа қабылдау кезінде ата-ана (немесе өзге де заңды өкілдері) мен коммуналдық мемлекеттік мекеме арасында келісім шарт қабылданады.
31. Ауырған уақытта, жазғы мезгілде, ата-аналарының 30 күндік демалысы кезінде баланың орны сақталады. Коммуналдық мемлекеттік мекемеде орынның сақталуы ерекше жағдайда ата-анамен келісіледі.
32. Тәрбиеленушілерді коммуналдық мемлекеттік мекемеден шығару келесі негізде жүргізіледі:
1) ата-анасының (немесе өзге де заңды өкілдерінің) өтініші;
2) баланың мекемеде болуына кедергі болатын баланың денсаулығына байланысты дәрігерлік қорытынды;
3) ата-аналармен (немесе өзге де заңды өкілдерінің) келісім шарттың орындалмауы. Коммуналдық мемлекеттік мекеме баланың шығарылатыны туралы 7 күн бұрын ата-аналарды хатпен ескертеді. Ескерту хатты алғаннан бастап бір ай мерзімде ата-анасы (немесе өзге де заңды өкілдерінің) мекеме шешіміне наразылығын білдіріп, қайта қарауына құқылы.
33. Негізгі орта мектепке оқушыларды қабылдау келесі түрде жүргізіледі:
1) ата-аналардың (немесе өзге де заңды өкілдерінің) біреуінен өтініш;
2) баланың жеке басын растайтын құжат;
3) оқушының денсаулығы жайында дәрігерлік қорытынды.
34. Екінші сыныптан бастап жаңадан келген оқушының алдағы сыныптарды аяқтағанын растайтын құжаттары негізінде қабылдайды.
35. Оқыту сырттай жүргізілетін кешкі мектепке оқушыларды қабылдау келесі құжаттар негізінде жүзеге асырылады:
1) ата-аналарының (немесе өзге де заңды өкілдерінің) бірінің өтініші;
2) жеке өтініші;
3) негізгі орта білімі туралы куәлігі;
4) соңғы оқу жылының оқу үлгерімінің табелі;
5) оқушының жеке куәлігі немесе туу туралы куәлігі;
6) жұмыс орнынан берілген анықтама (жұмыспен қамтылғандар үшін);
7) 086 формадағы дәрігерлік анықтама;
8) мекен-жайы туралы анықтамасы.
36.Оқушының басқа мекемеге ауыстырылуы, негізгі мектеп білімін алған түлектерден жұмысқа тұруы келесі түрде жүргізіледі:
1) ата-аналардың (немесе өзге де заңды өкілдерінің) біреуінен өтініш;
2) білім ұйымында оқуды жалғастыру туралы растайтын құжат;
3) мектеп бітірушінің жұмысқа орналасуы туралы, негізгі мектепті аяқтағаны туралы куәлік құжаттары.
37. Оқушылардыкоммуналдық мемлекеттік мекемеден шығару ата-ананың (немесе өзге де заңды өкілдерінің) өтінішіне сәйкес жүргізіледі.
6. Оқу – тәрбие үрдісінің ұйымдастырылуы, оқушылар мен тәрбиеленушілерді оқыту тәртібі
38. Коммуналдық мемлекеттік мекеме оқу үрдісін мектеп жасына дейінгі және жалпы білім беретін оқу бағдарламасына сәйкес жүзеге асырады: мектепке дейінгі, бастауыш, негізгі орта және жалпы орта білім беру.
39. Білім беру ұйымдарында оқу және тәрбие үрдісін ұйымдастыру оқу жұмыс бағдарламалары мен оқу жұмыс жоспарларына сәйкес іске асады.
40. Оқу және тәрбие үрдісін ұйымдастыруының негізгі білім ұйымында жүзеге асатын оқу, тәрбие жұмысын жоспарлау және есепке алу болып табылады.
41. Білім беру ұйымдарындағы тәрбие бағдарламалары білім беру бағдарламаларының құрамдас бөлігі болып табылады және білім алушылардың, тәрбиеленушілердің елжандылық, азаматтық, интернационалдық, жоғары моральдық және адамгершілік сезімін қалыптастыруға, сондай-ақ жан-жақты ынта-ықыласы мен қабілеттерін дамытуға бағытталуға тиіс.
42. Оқу-тәрбие үрдісін ұйымдастыруда жеке бағытталған үйлесімнің ерекшелігі:
1) мекеменің оқу-тәрбие жүйесінің ортасында бала, оның интеллектуалды және өнегелі дамуы.
2) жеке-бағытталған оқу-тәрбие дифференциалды үйлесімде жеке тұлғаның интеллектуалды даму деңгейін ескереді, жас ерекшелігіне қабілетіне аса көңіл бөлу.
43. Мектепке дейінгі балалардың оқу-тәрбие үрдісін ұйымдастыру ерекшеліктері:
1) бескүндік жұмыс тәртібі;
2) топтың жұмыс тәртібі-10,5 сағат;
3) топтардағы сабақтардың ұзақтығы жас ерекшеліне байланысты.
44. Негізгі орта және оқыту сырттай жүргізілетін кешкі мектептің оқушыларының оқу кестесі мен оларды өткізу тәртібі Қазақстан Республикасының нормативтік құқықтық актілерімен реттеледі;
45. Коммуналдық мемлекеттік мекеменіңжұмыс тәртібі аптасына 6 күнді құрайды, оқыту сырттай жүргізілетін кешкі мектептің жұмыс тәртібі аптасына 5 күнді құрайды;
46. Коммуналдық мемлекеттік мекемедегітәрбиелеу және оқыту тілі: қазақша және орысша, оқыту сырттай жүргізілетін кешкі мектепте: орысша.
7. Білімнің ағымды бақылау жүйесі, аралық және қорытынды аттестаттауды өткізу түрлері мен тәртібі
47. Мектепке дейінгі шағын - орталықтағы тәрбиеленушілер үшін:
1) міндетті мемлекеттік жалпы міндетті білім беру стандарт талаптарына сәйкес топтың тәрбиеленушілері арасында мәрелік, аралық және қорытынды диагностика Қазақстан Республикасының нормативтік құқықтық актілерімен қарастырылған өзге де талаптармен өткізіледі.
48. Негізгі және оқыту сырттай жүргізілетін кешкі мектеп оқушыларына:
1) Коммуналдық мемлекеттік мекемеде білім алушылардың білім беретін оқу бағдарламасын меңгеруін бақылау мақсатында, үлгерімнің ағымды бақылауы мен қорытынды аттестаттау түрінде өткізеді.
2) Коммуналдық мемлекеттік мекеме үлгерімнің ағымды бақылауы мен қорытынды аттестаттау өткізу мерзімін, тәртібін және түрін өзі таңдайды.
3) Коммуналдық мемлекеттік мекеме негізгі орта және жалпы орта білім беру оқу бағдарламасын меңгеруін Қазақстан Республикасының нормативті-құқытық құжаттарға сәйкес міндетті қорытынды аттестаттаумен аяқтайды.
8. Коммуналдық мемлекеттік мекеменің тәрбиеленушілері мен білім алушылары және олардың ата-аналарымен және (немесе) заңды өкілдерімен қарым-қатынасты рәсімдеу тәртібі
49. Тәрбиеленушілердің құқықтары:
1) өмірі мен денсаулығын қорғауға;
2) психикалық және физиологиялық зорлық-зомбылық түрлерінен қорғануға;
3) адамгершілігін сақтау;
4) қызығушылық-жекелік қатынаста қажеттілігін қанағаттандыру;
5) тамақтану, демалу, ұйқы физиологиялық қатынаста қажеттілігін жеке және жасына сәйкес дамуына байланысты қанағаттандыру;
6) шығармашылық қабілеттері мен қызығушылығын дамыту;
7) мектепке дейінгі тәрбие және оқу мемлекеттік жалпы міндетті білім беру стандартына сәйкес сапалы білім алуға;
8) өзінің бейімділігі мен қажеттілігіне келісімді ақылы қосымша білім және дәрігерлік қызметін пайдалануға;
9) ақысыз дәрігерлік қызметті пайдалануға;
10) жабдықтар, ойыншықтар, оқу құралдарымен тегін қолдануға;
50. Мектеп жасына дейінгі шағын – орталықтың ата-аналарының (немесе өзге де заңды өкілдерінің) құқықтары:
1) коммуналдық мемлекеттік мекеме арасындағы келісім-шартты сақтау;
2) баланың коммуналдық мемлекеттік мекемеде болғанына (тамақтануына) әр айдың 10-на дейін төлем жасау;
3) баланың қызығушылығы мен заңды құқығын қорғау;
4) коммуналдық мемлекеттік мекеменің тәрбиелеу және оқыту үрдісіне қатысу;
5) баласының әрекеті туралы ақпарат алу;
6) коммуналдық мемлекеттік мекеменің материалдық-техникалық базасын нығайтуда демеушілік және қайырымдылық көмек көрсету;
7) коммуналдықмемлекеттік мекеме басшысының есебін тыңдау;
8) коммуналдық мемлекеттік мекеменің ішкі тәртібін орындау;
51. Оқушылардың ата-аналарының (немесе өзге де заңды өкілдерінің) құқықтары:
1) баланың қызығушылығы мен заңды құқығын қорғау;
2) коммуналдықмемлекеттік мекеменің тәрбие үрдісіне қатысу;
3) коммуналдықмемлекеттік мекеменің өзіндік басқару жұмысына қатысу;
4) баласының әрекеті туралы ақпарат алу;
5) коммуналдықмемлекеттік мекеменің материалдық-техникалық базасын нығайтуда спонсорлық және қайырымдылық көмек көрсету;
6) коммуналдықмемлекеттік мекеменің әкімшілігінің рұқсаты бойынша сабаққа қатысу;
7) коммуналдықмемлекеттік мекеме басшысының есебін тыңдау;
8) коммуналдықмемлекеттік мекеменің ішкі тәртібін орындау;
52. Оқушылардың құқықтары:
1) мемлекеттік жалпы міндетті білім беру стандарттарына сәйкес сапалы білім алуға;
2) білім беру ұйымдарын басқаруға қатысуға;
3) бір оқу орнынан екінші оқу орнына ауысуға және қайта қабылдануға;
4) Қазақстан Республикасының Үкіметінде белгіленгшен тәртіппен білім беру ұйымдарындағы ақпараттық ресурстарын тегін пайдалануға, оқулықтармен, оқу-әдістемелік кешендерімен және оқу-әдістемелік құралдармен тегін қамтамасыз етуге;
5) спорт залы, салтанат залы мен кітапхана және компьютер кабинетін тегін пайдалануға;
6) өз пікірі мен сенімін еркін білдіруге;
7) өзінің адамдық қадір-қасиетінің құрметтелуіне;
8) оқудағы ғылыми және шығармашылық қызметтегі табыстары үшін көтермеленуге және сыйақы алуға құқы бар.
53. Білім алушылардың міндеттері:
1) мемлекеттік жалпы міндетті білім беру стандартының талаптарына сәйкес білім алу, практикалық дағдылармен құзырларының ептілігін меңгеру, ішкі тәртіп ережесін сақтау, орталық атақару органның басқару ұйымның шешімдерін ұйымның Жарғысымен және Қазақстан Республикасының нормативтік құқықтық актілерімен қарастырылған өзге де талаптарды орындау;
2) білім алушылар мен тәрбиеленушілер өз денсаулығын аялауға міндетті, рухани және дененің өзін-өзі қалыптасуына талпыну;
3) педагог қызметкерлерінің намысы мен қасиетін, оқып жүрген оқу орнының дәстүрлерін құрметтеуге;
4) оқушылар мектеп формасын киіп жүруге міндетті;
54. Оқушылардың ата-аналарының және де өзге заңды өкілдердің құқықтары:
1) білім беру ұйымын баланың қалауын, жеке басының бейімділігімен ерекшеліктерін ескере отырып таңдауға;
2) ата-аналар комитеттері мен қамқорлық кеңесі арқылы білім беру ұйымдарын басқару органдарының жұмысына қатысуға;
3) білім беру ұйымдарына өз балаларының үлгерімі, тәртібімен және оқу жағдайлары жөнінде ақпарат алуға;
4) баланы тәрбиелеу мен оқытудағы проблемаларын шешуге кеңестік көмек алуға;
5) мекеме мен ата-аналар немесе өзге заңды өкілеттер арасында жасалған келісім-шарты бойынша Қазақстан Республикасының нормативтік-құқықтық актілеріне сәйкес балаға қарауын, тәрбие алуын және дамуын талап ету;
6) мекемеде балалармен жұмысты жақсарту және қосымша қызметті ұйымдастыру бойынша ұсыныстар еңгізу;
7) баланың заңды құқығы мен мүддесін қорғау;
8) коммуналдық мемлекеттік мекеме әкімшілігінің рұқсатымен сабақтарға қатысуға.
55. Оқушылардың ата-аналары мен өзге де заңды өкілдерінің міндеттері:
1) балаларға өмір сүруі мен оқуы үшін салауатты және қауіпсіздік жағдайлар жасауға, олардың интеллектуалдық және дене үшін дамытуын, адамгершілік жағынан қалыптасуын қамтамасыз етуге;
2) баланы оқыту мен тәрбиелеуде білі беру ұйымдарымен ынтымақтастық жасауға;
3) оқу мекемесіндегі сабаққа баласының сабаққа қатысуын қамтамасыз ету;
4) бала жетістіктері мен тәртібінің жағдайын қадағалауға;
5) күнделік, үй жұмысының орындалуын үнемі тексеруге міндетті.
9. Коммуналдық мемлекеттік мекеме мүлкінің құрылу тәртібі
56. Коммуналдық мемлекеттік мекеме мүлкін бағасы оның теңгерімінде айқындалатын заңды тұлғаның активтері құрайды. Коммуналдық мемлекеттік мекеменің мүлкі мыналардың:
1) оған меншік иесі берген мүлік;
2) өз қызметі барысында сатып алған мүлік (ақшалай кірістерді қоса алғанда);
3) Қазақстан Республикасының заңнамасымен тыйым салынбаған өзге де қаржы көздері есебінен құрылады.
57. Коммуналдық мемлекеттік мекеме дербес иеліктен шығаруға немесе оған бекітілген мүлік пен оған смета құралдары бойынша бөлінген мүлікке өзгеше тәсілмен иелік етуге құқығы жоқ.
58. Коммуналдық мемлекеттік мекемені материалдық-техникалық қамтамасыз ету, жарақтандыру мен жабдықтау нормативтік талаптарға сәйкес жүргізіледі.
59. Коммуналдық мемлекеттік мекеме бухгалтерлік есеп жүргізеді және Қазақстан Республикасының заңнамасына сәйкес есептілік ұсынады.
60. Коммуналдық мемлекеттік мекеменің қаржылық-шаруашылық қызметін тексеру және ревизия Қазақстан Республикасы заңнамасында белгіленген тәртіппен тиісті саланың уәкілетті органы (жергілікті атқарушы органы) жүзеге асырады.
10. Коммуналдық мемлекеттік мекемедегі жұмыс тәртібі
61. Коммуналдық мемлекеттік мекеменің жұмыс тәртібі ішкі еңбек тәртібінің қағидаларымен белгіленеді және Қазақстан Республикасы еңбек заңнамасының нормаларына қайшы келмеуі тиіс.
11. Коммуналдық мемлекеттік мекеме қызметкерлерінің штатын толықтыру тәртібі, еңбегіне ақы төлеу жүйесі, олардың құқықтарымен міндеттері
62. Коммуналдық мемлекеттік мекеме қызметкерлерінің штатын толықтыру Қазақстан Республикасының нормативтік-құқықтық актілер негізінде орындалады.
63. Коммуналдық мемлекеттік мекеме қызметкерлерінің еңбегіне ақы төлеу жүйесі Қазақстан Республикасының заңнамасында белгіленген тәртіппен анықталады.
64. Коммуналдық мемлекеттік мекеме қызметкерлерінің Қазақстан Республикасының еңбек және өзге де заңнамада, сондай-ақ еңбек келісімінде қарастырылған құқықтары бар және міндеттерін орындау тиіс.
65. Қызметкерлердің құқығы:
1) Қолайлы жұмыс уақытының белгіленуіне;
2) Тәрбие мен оқытуда жаңа технологиялар мен әдістерді қолдануға;
3) біліктілік санатын жоғарылату, біліктілігін арттыру, педагогикалық семинар, конференциялар, съездерге және т.б.қатысуға, аттестаттаудан өтуге;
4) Эксперимент-тәжірибе жүргізіп, нәтижелерін баспадан шығаруға;
5) Оқытуда техника құралдарын пайдалануға;
6) Коммуналдық мемлекеттік мекемені басқару ұйымының жұмысына қатысуға;
7) Коммуналдық мемлекеттік мекеме қызметкерлеріне материалдық және моральдық жағынан көтермелеу, құрмет белгісімен өзге де белгілер, грамоталармен марапаттау;
66. Міндеттері:
1) Еңбек келісім шарттың барлық тарауларын орындауға;
2) Жарғыны, өзге де нормативті актілерді орындауға;
3) Материалды-техникалық базаны сақтауға жауапкершілікпен қарауға;
4) Балалардың денсаулығы мен өмірін қорғауға;
5) Балаларды қандай да бір зорлық-зомбылықтан сақтауға;
6) Баланы тәрбиелеумен оқытуда отбасымен тығыз байланыста болуға;
7) Коммуналдық мемлекеттік мекеменің, қалалық, облыстық және республикалық, халықаралық іс-шараларға белсенді атсалысуға;
8) Әрқашан кәсіби деңгейді жоғарлатуға.
9) Қызметкерлер Қазақстан Республикасының еңбек заңдылығына сәйкес өзге де құқықтар мен міндеттерге ие.
12. Алқалы органдары, оның қалыптасу тәртібі мен құзыры
67. Коммуналдық мемлекеттік мекемеде басқарудың алқалық органы құрылады.
68. Алқалық басқарудың түрлері төмендегідей бола алады: педагогикалық кеңес, әдістемелік кеңес, жалпы жиналыс, ата-аналар комитеті, қамқорлық кеңес және т.б.
69. Алқалық органның басқару құзыреті мен қалыптасу тәртібі Қазақстан Республикасының нормативтік-құқықтық актілерімен реттеледі.
13. Құрылтай құжаттарына өзгерістер мен толықтырулар енгізу тәртібі
70. Коммуналдық мемлекеттік мекеменің құрылтай құжаттарына өзгерістер мен толықтырулар енгізу тиісті саланың уәкілетті органының (жергілікті атқарушы органының) шешімі бойынша жүзеге асырылады.
71. Коммуналдық мемлекеттік мекеменің құрылтай құжаттарына енгізілген өзгерістер мен толықтырулар Қазақстан Республикасының заңнамасына сәйкес тіркеледі.
14. Коммуналдық мемлекеттік мекемені қайта ұйымдастыру және тарату шарттары
72. Коммуналдық мемлекеттік мекемені қайта ұйымдастыру және тарату Қазақстан Республикасының заңнамасына сәйкес жүзеге асырылады.
