Қаламыздың №48, 62, 78, 83, 100 мектептері арасында үстіміздегі жылдың қаңтар мамыр айлары аралығында жаңа Бағдарламаға негізделген «Лидер» желілік қауымдастығы құрылған болатын. Мақсаты: қазіргі таңдағы білім беру саласындағы өзгерістегі жаңалықпен іс тәжірибе арқылы бөлісу, деңгейлік курстан өткен мұғалімдер өзара тәжірибе алмасу арқылы оқушының білімге деген құштарлығын, қызығушылығын, алған білімін қолдана алуға бейімдеу; Бірлесіп жасаған жоспар бойынша №78 негізгі орта мектебінде 14 сәуір күні қазақ тілі мен география пәндерінен ашық сабақ өткізілді. 6 сыныпта қазақ тілінен Дуанбаева Айзада Кенеспековна ІІІ деңгейді аяқтаған «Менің оқу құралдарым», 7 сыныпта география пәнінен Бейсембаева Гүлшара Абдихановна «Материктер мен елдерге саяхат» тақырыптарында топпен жұмыс жасау арқылы бағалау критерийлерін көрсете отырып өткізді. Сабаққа қатысқан әріптестер өз ойларын «Күн шуағы» рефлексиясында ортаға салды. Соңында мұндай оқыту семинарларының тиімділігінің жоғары екендігін бір ауыздан атап өтті.
Байланыс телефондары
