13 наурызда бастауыш сынып мұғалімі Романова Аида Алимжановна 4  сыныпта «Бірыңғай  мүшелердің арасына қойылатын үтір»  тақырыбында ашық сабақ өткізді. Мақсаты: мысалдар келтіре отырып, оқушыларға бірыңғай мүшелердің арасына қойылатын тыныс белгілеріне жаттығу жұмыстары арқылы түсінік беру. Сабақтың құрылымы жаңаша талаптарға сай құрылған, жұптық, топтық жұмыстар жасалды. Мұғалім - оқушы қатынасы қалыптасқандығын, сұрақтардың жеңілден қиынға негізделіп қойылуы арқылы оқушылардың сөздік қорының молдығын көруге болады. Сабақ бойына бағалаудың түрлері жүргізіліп, қорытындысы тест жұмысымен аяқталды.