Қарағанды қаласының №78 негізгі орта мектебінде 16 сәуір күні қалалық білім бөлімінің жұмыс жоспары бойынша «Сыныптан тыс ісшараларды ұйымдастырып өткізу арқылы қазақ тілі мен әдебиеті пәніне қызығушылықтарын арттыру» атты тақырыпта қаланың орыс тілді мектептеріндегі қазақ тілі мен әдебиеті пәні мұғалімдерінің семинары болып өтті. Семинардың мақсаты: өскелең ұрпаққа  елін, жерін сүюге, Отанына адал қызмет етуге, патриоттық тәрбие беру негізінде, қазақтың ұлы ақын-жазушыларының шығармаларын мәнерлеп оқуға бейімдеу, ұлтжандылыққа баулу болды. Семинарды «Білім сапасын көтерудің негізгі тетігі - ұстаз» тақырыбында қалалық білім бөлімінің әдіскері Гүлзат Кенжебаевна Аймағанбетова  алғыс сөзімен ашты. Мектебіміздің оқу тәрбие-ісінің меңгерушісі Надежда Антоновна Гузева семинарға қатысушыларды құттықтап, сәттілік тіледі. Әдістеме бірлестік жетекшісі Бақыт Кенжебековна Біләлова мектептің қазақ тілі мен әдебиеті әдістеме бірлестігінің жұмыс жүйесімен таныстырып, құрамындағы мұғалімдерге тоқталып өтті. «Сыныптан тыс ісшараларды жоспарлап, өткізу арқылы оқушыларды қазақ тілі мен әдебиет пәндеріне қызығушылқтарын арттыру» тақырыбында жас маман №56 НОМ қазақ тілі мен әдебиеті пәні мұғалімі Қарақат Белдібайқызы Бажаева  өзінің жұмысын баяндады. Мектебіміздегі «Авиация мен ғарышкерлер» музейінің меңгерушісі қазақ тілі мен әдебиет пәні мұғалімі Мағрифа Аманбекқызы Карибекова «Қарағанды – ғарыш айлағы»  атты қаланың 80 жылдық мерей тойы қарсаңында «Мектеп мұражайының болашақ  ұрпаққа патриоттық тәрбие беру мәні» тақырыбында келген қонақтарға өзінің көп жылдық еңбек жолымен таныстырып, баяндама оқып, бейнеролик көрсетті. Семинарда «Білгірлер» сайысы тақырыбында  қазақ тілі мен әдебиеті пәні мұғалімі, қазіргі таңдағы Кембридж бағдарламасы бойынша ІІІ деңгейді аяқтаған Айзада Кеңеспековна Дуанбаева интеллектуалды сайыс-сабақ ретінде өткізді. Семинар соңын «Мерекелер» атты әдеби-музыкалық композиция жалғастырды. Бұл шараны қазақ тілі мен әдебиет пәні Жанаркүл Қуаныштаевна Ақтаева мен Бақыт Кенжебековна Біләлова ұйымдастырып өткізді. «Менің айтарым...» тақырыбында семинарға қатысқан мұғалімдер өздернің ойларын былай деп қорытынылай келе: «Бүгінгі семинар басқа семинардан өзгеше болып өтті, кішкене ғана мектеп болса да ішінде үлкен тарихи байлығы мол мұрасы бар екен. Бұл бүгінгі таңда болашақ ұрпаққа үлкен тәрбие беретініне куәміз», «Сайыс-сабағы өте әсерлі болды, оқушылар жан-жақты білімдерін қолданып, мұғалім сабақтың әр кезеңін бір-бірімен байланыстыра да, ұштастыра алды», «Мен жас маман ретінде бүгінгі семинардан өзімен көп мағлұмат алдым, алдағы тәрбиелік сабақтарды мектеп мұражайына саяхат етіп өткізуді жоспарласам деп ой түйдім» деп №№27, 91, 32, 45 мектептерден келген мұғалімдер сөз сөйледі. Қалалық білім бөлімінің әдіскері Гүлзат Кенжебаевна Аймағанбетова: ««Бұл ән бұрынғы әннен өзгеше» демекші шынындада бүгінгі семинар өзгеше ұйымдастырылып, өткізілді» дей келе осы шараны газет бетіне мақалсын жариялауды кеңес берді.

         Қорытындысында барлық мектеп мұғалімдері семинардан өздеріне жаңаша бір әсер алғандарын жасырмады.