2026 жылғы 9 қыркүйекте «№ 78 жалпы білім беретін мектеп» КММ-де педагогтерге арналған оқыту семинары өтті. Оған ROQED AI платформасының өкілі Болатхан Омарұлы Есенбай қатысты.

Семинар барысында мұғалімдер оқу процесіне жасанды интеллектіні (ЖИ) енгізудің заманауи жолдарын қарастырды. Сабақты жоспарлауда, оқу материалдарын әзірлеуде, тапсырмалар құруда және жалпы оқыту тиімділігін арттыруда ЖИ-ді тәжірибе жүзінде қолдануға ерекше назар аударылды.

Педагогтер жаңа білім алып қана қоймай, платформа құралдарын іс жүзінде қолданып көруге, сұрақтар қоюға және кәсіби тәжірибе алмасуға мүмкіндік алды.

Мұндай оқыту іс-шаралары педагогтердің цифрлық сауаттылығын арттыруға және мектептің білім беру ортасына заманауи технологияларды енгізуге ықпал етеді.

Мазмұнды әрі өте пайдалы семинар өткізгені үшін ROQED AI платформасының өкілі Болатхан Омарұлы Есенбайға алғыс білдіреміз!