Міне жайдарлы да, жайсаң жаз аяқталып салмақты да, сабырлы күрең күз келіп жетті. Шуақты қыркүйек айының алғашқы күні барша оқушы қауым алтын ұя мектебіне қайта оралып, мектеп табалдырығын алғаш аттаған балдырғандармен бірге сыңғырлаған қоңырау үнімен табысып отыр. Сыңғырлай соққан қоңырау үні әр оқушының жүрегіне жылулық сыйлады. Салтанатты жиынға Октябрь ауданының Нұр Отан филиалының саяси кеңесінің мүшесі Мұқанов Болат Елеубаевич қатысып, барша қауымға жылы лебізін білдірді. 

Биыл үлкен мереке. Тәуелсіздік алғанымызға 25 жыл толды. 1991 жылы 16 желтоқсан - тарихтағы ұлы күн. Мерекелік шараға қатысушы қауымды Білім күнімен құттықтай отырып,  еліміз аман, еліміздің беделі асқақ болсын деген тілек білдіреміз!