Ата-аналарға жаднама

Құрметті ата-аналар!
Сіз балаңыздың өмірі мен денсаулығына жауаптысыз!
Балаларды су объектілерінде демалғанда қараусыз қалдырмаңыз!
Балаларды суаттардың маңында жалғыз қыдыруға жібермеңіз!
Суда шомылып жүрген балаларды үлкендер үнемі бақылауда ұстауы қажет!
Балаларыңызға суаттарда төмендегі баяндалғандарға тыйым салынатынын түсіндіріңіз:
- жабдықталмаған орындарда және тыйым салынған қалқандар (аншлагтар) қойылған жерлерде шомылу;
- жүзу шекарасын белгілейтін қалтқылардан әрі жүзу;
- моторлы, желкенді кемелерге, ескекті қайықтарға және басқа жүзетін құралдарға жақындау;
- суға катерлерден, қайықтардан, айлақтардан, және де бұл мақсаттарға арналмаған жерлерден секіру;
- суаттарды ластау және қоқыстау;
- тақтайларда, бөренелерде, жатақтарда, автомобиль камераларында, үрленген матрацтарда жүзу;
- жабдықталған жағажайларға өзімен бірге ит және басқа жануарлар ертіп әкелу.Құрметті ата-аналар!
Суға батып бара жатқан адамға көмек көрсету үшін, жақсы жүзе біліп, құтқару тәсілдерін, батып бара жатқан адамның қармауынан шығу және зардап шегушіні буксирге алу, алғашқы медициналық жәрдем көрсету тәсілдерін жақсы білу керек.

Суда адамды құтқару кезінде қалыптасқан жағдайды сабырмен бағалап, ойланып, абайлап әрекет ету қажет, қауіп төнген жағдайда саспау керек. Егер сіз оған дайын болмасаңыз, сәйкес құтқару қызметтерінен көмек сұраңыз: құтқарушылар мен жедел медициналық жәрдемді шақырыңыз.

Суда өзін-өзі ұстау ережелері:
1) суаттарда балаларды үлкендердің қарауынсыз қалдырмаңыз;
2) суға шомылу үшін қауіпсіз немесе оған арналған жерлерді таңдаңыз;
3) таныс емес жерлерде суға түспеңіз;
4) егер су иіріміне түссеңіз, қорықпаңыз, көбірек ауа жұтып, су ағысы жағына қарай қатты жұлқынып барып, су бетіне жүзіп шығыңыз;
5) сіңір тартылғанда саспаңыз, су бетінде қалуға тырысып, көмекке шақырыңыз;
6) суға шомылғанда бір-біріңізді назардан жоғалтпаңыздар;
7) қатты ағынға түскеде ағысқа қарсы жүзбеңіз, ағыспен жүзіп, жағаға шығуға тырысыңыз;
8) егер тоңазудың бірінші белгілері байқалса (қалтырау, дірілдеу, әлсіздік), дереу судан жағаға шығыңыз;
9) балдырларға оралып қалсаңыз, кенеттен қимылдамаңыз және жұлқынбаңыз. Ең дұрысы арқаңызбен жатып, ақырын таза су жаққа жүзіп шығу. Егер бұл көмектеспесе, онда аяғыңызды созып, өсімдіктерді қолмен босатыңыз.

Қарағанды қаласының Төтенше жағдайлар басқармасы
тұрғындарды суда балалардың өмірін сақтау ережелерін ұстауға шақырады!