2015 жылдың  26 қарашасында ББ әдіскері Г.К. Аймағанбетованың және  №63 ЖОМ деңгейлік курсты бітірген мұғалімдердің ұйымдастыруымен  «Блум таксономисын  қазақ тілі мен әдебиеті сабағында қолданудың тиімділігі» атты қалалық семинар өткізілді.

                      Семинарға қаламыздың 44 мектебімен ұстаздар қатысты. Семинар 3 бөлімнен құралған.  Бірінші бөлімде Қарағанды қаласы ББ әдіскері Аймағанбетова Гүлзат Кенжебаевна  Блум таксономиясы бойынша жалпы түсінік берді және № 63 ЖОМ қазақ тілі мен әдебиеті кафедрасының жетекшісі Мейірбек Назым Сағатбекқызы «Білімді игеруге бағытталған алты қадам» атты баяндамасын оқып, сөзін оқушылардың шығармашылығымен аяқтады. «Абай әлеміне саяхат» атты оқушылар шығармашылығы қала мұғалімдерінің көңілінен шықты. 

Екінші бөлім – теориялық бөлім. Екінші бөлімде № 63 ЖОМ ұстаздары

Жұмабекова Алма Бапановна (деңгейлік курстың бірінші деңгейін бітірген ұстаз) мен Мейірбек Назым Сағатбекқызы (деңгейлік курстың екінші деңгейін бітірген ұстаз) «Блум таксономиясы бойынша танымдық мақсаттарды қою мен анықтау мәселелері» атты тақырыпты  коучинг-сессиясын өткізді.  Коучинг-сессиясы барысында мұғалімдер Блум таксономиясының алты сатысымен, әрбір сатының функционалды қызметімен жете танысты және өздері коучинг барысында «Толағай» ертегісін Блум тапсырмаларын дайындады.

           Үшінші бөлімде  № 63 ЖОМ   деңгейлік курстың  үшінші деңгейін бітірген ұстаздар: Кельдиярова Г.А. 9 «В» сыныбымен «Ай, Абылай», «Батырың өтті Бөгенбай» толғаулары бойынша,  ал Өтелбаева Р.У. 7 «А» сыныбымен «Хат жазайық» деген тақырыпта  ашық сабақ берді.  Ұстаздар сабақ барысында Блум таксономисы кезеңдерін көрсетіп, 7 модульді толық қамти білді. Өткізілген ашық сабақтар ұстаздардың көңілінен шықты.

             Жалпы  № 63 ЖОМ өткізілген семинар өте жақсы деңгейде өтті. Семинар барысындағы іс-шараларада логикалық байланыс, тақырыптық сабақтастық  жақсы сақталған.  Семинардың мазмұны мен семинарда көтерілген мәселелер қала ұстаздарының көңілінен шықты.