Борыштармын ерлігі ғой солардың

Жеңіс үні дүрсілдетіп жүректі,

Қуаныштан қатайтасың білекті.

«О ,халқым, құтты болсын мерекең!»

Деп сіздерге арнап тұрмын тілекті.
Көзді ашып- жұмғанша өтті уақыт,
70жылдаболды ғой, міне, бақыт.
Үлкен-кіші, балалар, ардагерлер,
Бәрінде де ашық көңіл,асқан шаттық..

Бағым жанып Тәуелсіздік ғасырда,

Мойындады бүкіл әлем қасымда

Борыштармын жемісі ғой бейбіт күн

Батырлардың құрбан болған жасында

Атты ,міне, азаттықтың ақ таңы,

Тарихымен байланысып жатқаны

Елім үшін шайқасқан ерлерімнің, 
Ар намысы, кеудеге от жаққаны.

Ұлы Жеңістің 70 жылдығына арналған концерт мектептің мәжіліс залында өтті –сол қанды жылдардың барлық ауырлығын шеккен ардагерлерге сыйлық. Сол жылдардың оқиғаларынан тыс қалған отбасы жоқ шығар. Ұлы Жеңістің 70 жылдық тақырыбы концерттің басты тақырыбы болды. Бізге бейбіт аспан, бақытты өмір сыйлаған жандарға алғыс сөздер төгіліп жатты.

Концертке қатысушылар соғыс жылдарының музыкалық-жыр шежіресін ортаға салып, өздері «жеңіс жолын» өткендей болды. Өткен жылдар ерлеріне құрмет көрсете отырып, оқушылар шын жүрекпен әр әнді қабылдап отырды. Өйткені әсем, таныс, сүйікті әндер жауынгерлерді ерлікке шабыттандырып, Жеңіске жетуге көмек көрсеткені күмәнсіз. Жыл сайын Ұлы Отан соғысы туралы естеліктер тарихта қалып, мерекелік саптағы ардагерлер саны азайып келеді. Жеңіс күніне арналған концерт – соғысқан, тылда соғыс кезінде жұмыс істеген жандарға құрмет көрсету рәсімі. Ал біз, олардың ұрпақтары, соғыс пен тыл ерлері туралы естелікті сақтауға парызбыз.