Жыл сайын Денсаулық күнін өткізу 1950 жылдан бастап дәстүрге айналды. Бұл күнгі шаралар адамдарға өмірлерінде денсаулықтары қаншалықты маңызды екенін дәлелдеуге арналады. Денсаулық сақтау ұйымдары әлемдегі адамдардың денсаулықтарын жақсарту мәселесін шешуге міндетті. Жыл сайын денсаулық күні жаһандық мәселелерге арналып, түрлі ұранмен өтеді: «Сенің қаныңның қауіпсіздігі  көпшіліктің өмірін сақтайды», «Белсенділік – ұзақ өмірге жол», «Денсаулықты ауа райының өзгеруінен сақтайық!», т.б.

Біздің мектепте де осы күнді атау дәстүрі бар. Бұл күні түрлі спорт жарыстары өткізіліп, әр сынып денсаулық сақтау тақырыбына сурет немесе коллаж дайындайды, бейнефильм байқауы өткізіледі. Дүниежүзілік денсаулық күні – жаһандық науқан, ол жер шарының әр тұрғынының денсаулық пен денсаулықты сақтау мәселесіне назарын аударып, адамдардың әл-ауқаты мен денсаулығын сақтауға бағытталған біріккен шаралар өткізу мақсатын көздейді.