Құрметті ата-аналар! Жаңа оқу жылы жақындап қалды. Біздің міндетіміз – балаларды мектепке дайындау. Қала мектептерінде жалпы білім беру қорының қаражаты есебінен түрлі санатағы балаларға материалдық көмек көрсету жұмыстары басталды. Бұл көмек атаулы әлеуметтілк көмек (АӘК) алатын балаларға, жан басына шаққандағы табысы төмен, ең төменгі күнкөріс деңгейінен төмен отбасыларындағы балаларға, жетім балаларға және ата-анасының қамқорлығынсыз қалған балаларға, сондай-ақ төтенше жағдайға тап болған балаларға және мектептің алқалы органы-қамқоршылық кеңес айқындайтын өзге де санаттарға көрсетіледі. Ақшалай көмек ата-аналарға карточкалық шотқа аударылады, бұл оларға балалармен бірге мектеп формасын, аяқ киімді, кеңсе тауарларын және басқа да қажетті заттарды өз бетінше таңдауға мүмкіндік береді. Биыл ақшалай көмек көлемі 43703 теңгені құрайды. Ағмдағы жылдан бастап №64 Қазақстан Республикасы Үкіметі Қаулысына сәйкес қаржылық және материалдық көмек көрсету мемлекеттік қызмет болып табылады. Осыған байланысты, мемлекеттік қызметті алу үшін Сізге «мемлекеттік білім беру ұйымдарының білім алушылары мен тәрбиеленушілеріне қаржылай және матеиалдық көмек көрсету» мемлекеттік қызмет көрсетуге қойылатын негізгі талаптар тізбесінде көрсетілген растайтын құжаттарды ұсына отырып, мектеп қенсусіне өтініш беру қажет.